साउन ३० धनगढी । धनगढी–खुटिया सडक खण्डको गोदावरी नगरपालीका वडा नम्बर–८, जोनापुरस्थित सुक्टी खोलामा निर्माणधीन डबल सेल बक्स कल्भर्ट निर्माण समयमै सम्पन्न नहुँदा यात्रुहरुले समस्या झेल्नु परेको छ ।
जोनापुरस्थित सुक्टी खोलामा डबल सेल बक्स कल्भर्ट निर्माणको काम समयमै सम्पन्न नहुँदा र वैकल्पिक मार्गको व्यवस्था नहुँदा यात्रुहरुले दैनिक रूपमा समस्या झेल्नु परेको हो । निर्माणस्थल वर्षाले गर्र्दा हिलाम्मे हुने र सडकको दुवैतर्फको भाग नपुरीएको हुँदा आवत–जावतमा समस्या समस्या हुने गरेको हो । स्थानियका
अनुसार कल्भर्ट बन्ने क्रममा यात्रुलाई सजिलो हुने खालको वैकल्पिक बाटो बनाइएको भए सहज हुने थियो । गोदावरी नगरपालीका वडा नम्बर–८ का शिव नारायण चौधरीले अलि टाढाबाट अर्को बाटो भएको बताउदै त्यहाँ पनि खाल्डाखुल्डीका कारण दुर्घटनाको जोखिम रहेको बताए ।
ग्राभेल गरेर सम्याइदिएको भए सबैलाई सहज हुने उनले बताए । सडक आयोजनाले सुक्टी खोलामा बक्स कल्भर्ट निर्माणका लागि मूल्य अभिवृद्धि करसहित ३ करोड १५ लाख ५५ हजार ६ सय ३७ रुपैयामा पृथ्वी पशुपति जे.भीसँग ठेक्का सम्झौता गरेकोमा २०८१ पुस ८ गते समय सिमा रहेको थियो ।
काम सम्पन्न गर्ने म्याद २०८२ पुस २० तोकिएको भए पनि अहिले सम्म काम सम्पन्न हुन सकेको छैन । सोही सडकखण्डको मटियारी खोला र सुक्टी खोलामा एकैपटक काम भइरहेको आयोजनाका इन्जिनियर तथा सूचना अधिकारी दिनेश सिंह रैखोलाले बताए । वैकल्पिक बाटोमा गरिएको ग्राभेल वर्षातमा बगेर गएकाले पनि समस्या थपिएको उनले बताए ।
