साउन २९ कञ्चनपुर । कञ्चनपुरमा एक जना महिलाको शव भेटिएको छ । बिहिवार बिहान बेलौरी नगरपालिका वडा नम्बर–७ र ८ को सीमानमा पने खप्टीनाला नजिक महिला मृत अबश्थामा भेटिएकी हुन ।
मृत भेटिएकी महिला बेलौरी नगरपालिका वडा नम्बर–८ की ४२ वर्षिया बिन्दु चौधरी भएको प्रहरीले जानकारी गराएको छ । केही समय देखि अस्वस्थ रहेकी उनले आफै–आफै बोल्ने गरेको जानकारी भएको प्रहरीले बताएको छ ।
आफै बोल्ने समस्या देखिए पछि परिवारले उनलाई बेलौरीको बुटाबारीमा फुपुको घरमा झारफुकका लागि एक साता अघि पठाएको जानकारी भएको प्रहरीले जनाएको छ ।
बुधबार मात्रै त्यहाँबाट फर्किएकी उनी बेलौरीमा ओर्लिए पछि सम्पर्क विहीन भएकी प्रहरीले जानकारी गराएको छ ।
त्यसपछि परिवारले आफै सोधीखोजी गर्दा विहीबार बिहान उनी मृत अबश्थामा भेटिएको प्रहरीले जानकारी गराएको छ । घटनाबारे प्रहरीले थप अनुसन्धान गरिरहेको जानकारी गराएको छ ।
