साउन २७ धनढी । अन्तर्राष्ट्रिय कृष्ण भावनामृत सङ्घ (इस्कोन) धनगढीले हरेक वर्ष जस्तै यस वर्षको श्रीकृष्ण जन्माष्टमी पर्व पनि भव्य रूपमा मनाउने तयारी गरि
रहेको छ ।
यही साउन ३१ गते (शनिवार) धनगढीको सौराइ स्क्वायर हलमा आयोजना हुने कार्यक्रमको इस्कोन धनगढीले तयारी गरीरहेको हो ।
इस्कोन धनगढीका अध्यक्ष हलधर निताई दासले कार्यक्रम अन्तर्गत इस्कोन मन्दिरमा बिहान देखि नै मङ्गल आरती, श्रीमद्भागवतको कथा वाचन, हरे कृष्ण महामन्त्रको जप तथा किर्तन हुने जानकारी गराए ।
मुख्य कार्यक्रम धनगढीको सौराइ स्क्वायर हलमा दिउँसो २ बजे देखि राति ९ बजे सम्म हरिनाम संकीर्तन,श्रीकृष्ण लिला कथा,सांस्कृतिक नृत्य, श्रीकृष्ण जन्म लिला, दिपदान र अभिषेकको कार्यक्रम गरिने उनदले जानकारी गराए ।
यस अवसरमा स्थानीय तथा बाहिरी जिल्लाबाट ठूलो संख्यामा भक्तजनहरूको सहभागिता रहने अपेक्षा गरिएको इस्कोन धनगढीका अध्यक्ष हलधर निताई दासलले जानकारी गराए ।
भक्तजनका लागि प्रसाद वितरणको व्यवस्था पनि गरिएको बताउदै उनले कार्यक्रमलाई भव्य र व्यवस्थित बनाउन स्वयम्सेवक टोली, सुरक्षा व्यवस्था तथा आवश्यक तयारी पूरा गरिएको जानकारी गराए ।
मानव समाजमा व्यवस्थित रूपले आध्यात्मिक ज्ञान वितरण गर्नु र सम्पूर्ण जनताहरूलाई आध्यात्मिक जीवन शैलीबारे प्रशिक्षण दिनु इस्कोनको उदेश्य रहेको उनले बताए ।
कार्यक्रमले जीवनको मूल्य र मान्यतामा आएको असन्तुलन समाप्त हुने र विश्वमा वास्तविक एकता तथा शान्ति कायम हुने विश्वास गरिएको उनले बताए ।
