जेठ ०४ धनगढी । सुदूरपश्चिम प्रदेशमा २१ महिनामा भएका मोटरसाईकल दुर्घटनामा १ सय ३७ जनाको मृत्यु भएको छ । आर्थिक वर्ष ०८०÷०८१ देखि ०८१÷०८२ को चैत सम्मको अवधिमा भएका मोटरसाईकल दुर्घटनामा १ सय ३७ जनाको मृत्यु भएको हो ।
सुदूरपश्चिम प्रदेशमा ८ सय ६६ वटा सावारी दुर्घटनामा २ सय ३८ जना पुरुष र ५५ जना महिला गरी २ सय ९३ जनाको मृत्यु भएको हो । जसमध्ये १ स्य २३ जना पुरुष र १४ जना महिला गरी १ सय ३७ जनाको मृत्युको मोटरसाइकल दुर्घटनाका कारण मृत्यु भएको हो । नेपाल प्रहरीको राजमार्ग सुरक्षा तथा ट्राफिक व्यवस्थापन कार्यालय अत्तरियाले उक्त विष्यमा जानकारी गराएको हो ।
उक्त अवधिमा १ हजार ४ सय ३३ जना पुरुष र ४ सय ८३ जना महिला गरी कुल १ हजार ९ सय १६ जना घाइते भएका छन । जसमध्ये मोटरसाइकल दुर्घटनामा मात्रै ८ सय ४३ जना पुरुष र २ सय १८ जना महिला गरी १ हजार ६१ जना घाइते भएका छन । ट्राफिक व्यवस्थापन कार्यालय अत्तरियाका अनुसार २५ वर्षमाथि उमेर समूहका २ सय ४ जनाको मृत्यु भएको छ ।
उक्त अवधिमा २५ वर्षमाथिको उमेर समूहका ८ सय ३२ जना घाइते भएका छन । सडक दुर्घटनामा १६ देखि २५ वर्ष उमेर समूहका ६५ जनाले ज्यान गुमाएका छन भने ४ सय ६९ जना घाइते भएका छन ।
यस्तै, ६ देखि १६ वर्ष उमेर समूहमा ११ जनाको मृत्यु भएको छ भने १ सय ४ जना घाइते भएका छन । उक्त अबधीमा सडक दुर्घटनामा १३ जना नाबालकको मृत्यु भएको छ ।
