बैशाख २८ बाजुरा । परम्परागत रुपमा समाजमा रहेको छुवाछूत कुप्रथा र समग्र विभेद विरुद्ध आवाज उठाउने संकल्प सहित बाजुरामा दलित जागरण अभियानको सुरुबात गरिएको छ । आफ्ना लागि आफै, दलितका लागि दलित भन्ने मुल नाराका साथ शनिबार बाजुराको जिल्लाको स्वामीकार्तिक खापर गाउँपालिकाको केन्द्र सुइजिउलाबाट दलित जागरण अभियानको सुरुबात गरिएको हो ।
स्वामीकार्तिक दलित नेटवर्क तथा मुक्त हलिया सञ्जालको आर्थिक र प्राविधिक सहयोगमा आफ्ना लागि आफै, दलितका लागि दलित अभियान बाजुराको आयोजनामा अभियान सुरु गरिएको अभियानका अध्यक्ष दीपक कडाँराले बताए ।
वर्षौदेखि समाजमा विद्यमान जातीय छुवाछूत र विभेद जस्तो जघन्य अपराध विरुद्ध दलित समुदायलाइ एक ठाउँमा ल्याउने उदेश्यले जागरण अभियान आयोजना गरिएको बताउदै उनले अभियान जिल्लाभर सञ्चालन गरिने बताए ।
कार्यक्रममा जिल्लामा क्रियाशील सबै राजनीतिक दलका प्रतिनिधि, कुण्डा क्षेत्रका दलित समुदायका अगुवासंगै स्थानीय दलित समुदायबीच प्रणालीगत विभेद, न्यायमा पहुँचको अभाव र प्रतिनिधित्वको कमी जस्ता विषयमा व्यापक रुपमा छलफल गरिएको उनले बताए ।
कार्यक्रममा बोल्ने अधिकांश वक्ताहरुले दलित समुदाय माथि उपल्लो भनिने जातले सधै दमन र उत्पीडनमा राखेर विभेद गरेको र राज्यको मौनताबारे दलित समुदाय एकजुट भएर देशैभर जागरण अभियानको आवश्यकता भएका बताएका छन ।
विभेदका विरुद्ध राजनीतिक दलभन्दा माथि उठेर वर्गीय लडाई बाजुरामा लड्न आवश्यक रहेको उनीहरुले बताएका छन । अभियानका अध्यक्ष दीपक कडाँराको अध्यक्षतामा सञ्चालन भएको कार्यक्रममा विभिन्न राजनीतिक दलमा आवद्ध दलित नेता र अगुवाहरुको सहभागीता रहकेो थियो ।
स्वामीकार्तिक खापर गाउँपालिकबाट अभियानको शुभारम्भ गरेर जिल्लाभर सञ्चालन गरिने बताउदै कडाराले हालसम्म सबै राजनीतिक दलले दलित समुदायलाई प्रयोग मात्र गर्ने गरेकाले एक ठाउमा उभिनका लागी अभियानले योगदान पु¥याउने बताए ।
