चैत्र १२ बैतडी । आर्थिक अभावका कारण मृगौला पीडित बैतडीका सुन्दरसिंह बोहराको उपचारमा समस्या भएको छ । दशरथचन्द नगरपालिका वडा नम्बर–२ देहीमाण्डौं दुधेखालीका मृगौला पीडित बोहराको आर्थिक अभावका कारण उपचारमा समस्या भएको हो ।
स्थानीय गोपाल बोहराले मृगौला रोगबाट पीडित बोहरासंग भएको पैसाले अहिले सम्म उपचार भएको बताउदै आर्थिक अभावका काण अहिले उपचारमा समस्या भएको बताए । भारतमा उपचार गराएर पैसा सकिए पछि अहिले बोहराको उपचारका लागि सहयोग अभियान सञ्चालन गरिएको उनले बताए ।
भारतमा मृगौलाको उपचार गरेका बोहराको समस्या झन् बल्झिएको बताउदै उनले आर्थिक अभाव भएकाले उपचारमा समस्या भएकोब बताए । आर्थिक अभावकै कारण अस्पताल जान नसकिएको बताउदै उनले बोहराको उपचारमा सहयोग गर्नका लागि आग्रह गरेका छन ।
अभियान्ता गोपाल बोहराले पीडित बोहरालाई सहयोग गर्न चहानुहुने व्यक्तिले विरेन्द्र बोहराको प्रभु बैंकमा रहेको खाता नम्बर ३६७०२६८२९१८०००१३ मा रकम जमा गर्न सक्ने जानकारी गराए । त्यसैगरी भारतमा सहयोग गर्न चहाने व्यक्तिले गुगल पे नम्बर ९९८८०३४४८८ मा रकम जमा गर्न सक्ने अभियान्ता बोहराले जानकारी गराए ।
