चैत्र १२ धनगढी । धनगढी उपमहानगरपालिका वडा नम्बर–३ बोराडाँडीका युवा व्यवसायी सुरेश विश्वकर्माले लामो समय देखि नर्सरी व्यवसाय गर्दै आएका छन । काठमाडौँमा बिरुवा सम्बन्धी काम गर्दै आएका विश्वकर्माले लामो समय देखि आफैले नर्सरी व्यवसाय गर्दै आएका हुन ।
नर्सरी व्यवसाय गर्दै आएका उनले मासिक ४० हजार बचत गर्दै आएको बताए । काठमाडौँमा बिरुवा सम्बन्धी काम गर्दै आएका उनले एउटा कम्पनीमा जागिर गरी कामको अनुभव लिएर नर्सरी व्यवसाय सुरु गरेको बताए ।
वार्षिक एक लाख ५० हजार तिर्ने गरी चार कट्ठा जमिन भाडामा लिइ व्यवसाय गर्दै आएको बताखउदै उनले हाल सम्म ५० लाख लगानी भएको बताए । परिवारमा श्रीमान्, श्रीमती, बुवाआमा र दुई छोराछोरी रहेको बताउदै उनले परिवारको सम्पूर्ण लालन पालनका साथै छोराछोरीको शिक्षादिक्षा व्यवसायबाट धान्दै आएको बताए ।
व्यवसायमा काम गर्ने तीन जना कामदारलाई मासिक १२ हजारका दरले तलब दिँदै आएको बताउदै विश्वकर्माले अन्य व्यवसाय भन्दा नर्सरीे व्यवसाय जोखिमयुक्त भएको बताए ।
कहिलेकाही प्रतिकूल वातावरणका कारण बिरुवामा विभिन्न असर देखापरे बिग्रने, कुहिने, रोग लाग्ने गरेको बताउदै उनले जसले गर्दा घाटा व्यवहोर्नु पर्ने बताए ।
धन आर्जन गर्न विदेश मात्र नभई स्वदेशमा पनि केही गर्न सकिन्छ भन्ने मान्यताबाट व्यवसाय सुरु गरेको बताउदै विश्वकर्माले नेपालको झापा, विराटनगर, इटहरी र कञ्चनपुरलगायतका स्थानबाट विभिन्न जातका फलफूल, सो–प्यान्ट लगायत बिरुवा ल्याएर बिक्री गर्दै आएको बताए । केही बिरुवा नर्सरीमा आफैँ उत्पादन गर्ने गरेको उनले जानकारी गराए ।
