सीता बिष्ट, चैत्र १२ धनगढी । कैलालीमा व्यवसायिक कुखुरापालन गर्ने किसानको सख्या बढ्दै गएको छ । मेहनेत धेरै भए पनि छोटो समयमा मनग्य आम्दानी हुने भए पछि कुखुरापालन गर्ने किसानको सख्या बढ्दै गएको हो । रोजगारीको क्रममा २० वर्ष भारत बसेर नेपाल फकिएका कैलालीको गोदावरी नगरपालिका माथिल्लो चैतन्यपुर बस्ने कट्टे लुहारले विगत चार वर्ष देखि व्यवसायिक रुपमा बोइलर कुखुरा पालन गर्दै आएका छन ।
१ लाख लगानी गरेर एउटा खोरमा ५ सय कुखुराबाट व्यवसाय सञ्चालन गरेका उनले यवसायिक रुपमा बोइलर कुखुरा पालन गर्दै आएका हुन । हाल तीनवटा खोरमा ४ हजार कुखुरापालन गरेको उनले जानकारी गराए ।
लामो समयसम्म एउटा खोरमा मात्र सीमित व्यवसायलाई हाल तीनवटा खोर बनाएर व्यवसायलाई फराकिलो बनाएको उनले जानकारी गराए । पहिलो खोर १ लाखमा, दोस्रो खोर १ लाख १० हजार र तेस्रो खोरमा. १ लाख ७० हजारको लगानीमा निर्माण गरेको बताउदै उनले हाल तीनवटै खोरमा कुखुरा पालन गर्दै आएको बताए ।
चार कट्टा जमिनमा कुखुरा खोर र बा“की आठ कट्टा जमिनमा खाद्यान्न बालि र तरकारी खेती गर्दै आएको उनले जानकारी गराए । पहिलो खोरबाट पालेका कुखुराले पहिलो समयमा ५० हजार आम्दानी भए पछि कुखुरा पाल्न अझै होसिएको बताउदै उनले व्यवसाय बढाएको बताए ।
हाल तीनवटै खोरका कुखुरा बिक्री गरी सकेको बताउदै उनले एउटा खोरमा भर्खरै १ हजार २ सय चल्ला हालेको जानकारी गराए । बा“की २ वटा खोरमा पनि अझै चल्लाहरु थप्ने बताउदै उनले कुखुरा पालनबाट गर्ने सके राम्रै आम्दानी हुने बताए । २० वर्ष भारतमा विभिन्न होटल र अन्य ठाउ“मा काम गरेका लुहारले हाल आफ्नै ठाउ“मा कुखुरापालन व्यवसाय गरेर राम्रै आम्दानी गरिरहेको बताए ।
