चैत्र ११ धनगढी । कैलालीको धनगढीमा ट्यांकरले ठक्कर दिँदा गोदावरीकी एक जना युवतीको मृत्यु भएको छ ।
आइतबार दिउँसो धनगढी उपमहानगरपालिका वडा नम्बर–३ चटकपुरमा सुपप्र ०१००१ प २२११ नम्बरको ट्यांकरले साइकल यात्री गोदावरी नगरपालिका वडा नम्बर– ८ बस्ने २१ वर्षीया पार्वती खड्कालाई ठक्कर दिदा उनको मृत्यु भएको हो ।
ट्यांकरको ठक्करबाट घाइते भएकी खड्काको सोमबार बिहान उपचारका क्रममा धनगढीको माया मेट्रो अस्पतालमा मृत्यु भएको जिल्ला प्रहरी कार्यालय कैलालीले जानकारी गराएको हो ।
प्रहरीले ट्याङकर र चालक कञ्चनपुरको वेदकोट नगरपालिका वडा नम्बर–१ बस्ने ४९ वर्षीय प्रकाशदत्त भट्टलाई नियन्त्रणमा लिएको जानकारी गराएको छ ।
