फागुन ०१ बाजुरा । बाजुराको बुढिगंगा नगरपालिकामा व्यक्तिको जग्गामा निर्माणाधीन वडा नम्बर ७ को वडा कार्यलय भवन अलपत्र परेको छ । निर्माण कार्यको ३ बर्ष वितिसक्दा पनि भवनको जग मात्र हालेर वडा कार्यलय भवन अलपत्र परेको हो । नगरपालिकाले २०७७ सालमा व्यक्तिको जग्गामा वडा कार्यलय बनाउने गरी ठेक्का आब्हान गरेको थियो ।
१ करोडमा गरिएको ठेक्कामा के आर निर्माण सेवाले ६० लाख ८४ हजार ३ सय ८८ मा काम गर्ने गरि सम्झौता गरेको थियो । सम्झौता २०७७ चैत २५ गते भएको थियो । २०७८ असोज १५ गते काम सम्पन्न गर्ने समय अबधी रहेको थियो । काम सम्पन्न हुने मिति सकिएको तिन बर्ष बढी भइसक्दा पनि भवन बन्ने कुनै अत्तोपत्तो नभएको स्थानियले वताएका छन ।
भवनको ठेक्का गर्ने समयमा स्थानीय जग्गाधनीले निशुल्क जग्गा दिने गरि कागज बनाएका भए पनि काम शुरु गरेको ४ बर्ष सम्म पनि जग्गा वडा कार्यलयका नाममा गएको छैन्, भने अर्को भवन पनि यस्तै अबस्थामा रहेको बताइएको छ । वडा अध्यक्ष भुवन सिं केसीले वडा कार्यलयको ठेक्का देखी सबै काम नगरपालिकाको भएको बताउदै भवन निर्माण नहुनुमा नगरपालिका दोषी रहेको बताए ।
व्यक्तिको जग्गामा भवन निर्माण भइरहेको बताउदै उनले भवन निर्माण भयो भने वडा कार्यलयका नाममा चाडै जग्गा पास गर्ने केसीको तर्क छ । नगरपालिकाका नगर प्रमुख राम बहादुर बाँनियाले भने पहिला जग्गा वडा कार्यलयको नाममा हुनेपर्ने वताए । अघिल्लो कार्यकायलमा कसरी व्यक्तिको जग्गामा ठेक्का गरियो त्यो थाहा नभएको बताउदै वडा कार्यलयको नाममा जग्गा पास भए चाडै काम शुरु हुने उनले वताए ।
निर्माण कम्पनीको पनि काममा लार्पवाहि भएको वताउदै उनले भवन निर्माण अलपत्र परेको बताए । वडा कार्यलय एउटा जिर्ण कोठामा सञ्चालन भइरहेको बताउदै उनले सिमलकोट गाउँमा रहेको बालशिक्षालाइ बिस्थापित गरेर विगत ७ बर्ष देखी सानो कोठामा वडा कार्यलय सञ्चालनमा रहेको बताए । एउटा कोठामा ६ जना कर्मचारी १ जना वडा अध्यक्ष बस्ने गरेको उनले बताए ।
वडा कार्यलयको एउटा मात्र कोठा रहेको बताउदै उनले कोठा भित्र कर्मचारी पालो पालै गरेर काम गर्ने गरेको एक जना कर्मचारीले वताए । भवन अभाब सँगै वडामा इन्टरनेट समेत नहुँदा काम गर्न निकै समस्या भएको ती कर्मचारीले वताएका छन् । वडा कार्यलय अलपत्र पर्नमा वडा र नगरपालिका दुबै दोषि भएको स्थानीयले बताएका छन ।
एक अर्कालाइ आरोप लगाउने काम भएको पाइएको छ । वडा अध्यक्ष काँग्रेस बाट दोस्रो पटक निर्वाचित हुन् । नगरपालिका नगरप्रमुख एमालेबाट निर्वाचित हुन भने कार्यपालिकामा एमालेको बहुमत रहेको छ । भवनको ठेक्का हुने समयमा काँग्रेसबाट निर्वाचित नगरप्रमुख भएको बताइएको छ ।
