माघ २९ धनगढी । गोदावरी नगरपालिकाका नगर प्रमुख विरेन्द्र भट्टले ६ लेन सडकमा लगाउन थालिएको तारजालीको अनुगमन गरेका छन । ६ लेन सडकको डिभाईडरमा नगरपालिकाले लगाउन थालेका तारजालीहरुको मंगलबार नगरप्रमुख भट्ट सहित, नगरप्रवत्ता गोपाल दत्त भट्ट, कार्यपालिका सदस्य चन्द्रा भुलसंगै नगर प्रमुख भट्टले अनुगमन गरेका हुन ।
अनुगमनका क्रममा केही सामान्य क्रुटीहरु फेला परेको नगरप्रमुख विरेन्द्र भट्टले बताए । ६ लेन सडकमा रहेको डिभाईडरलाई सजाउने उदेश्यले लगाउन लागिएको तारजालीको लेबल नमिलेको उनले बताए । त्यसका लागि ठेकेदार कम्पनीलाई निर्देशन दिईएको पनि उनले बताए ।
त्यसका साथै मुख्य कार्यालय तथा नगरबासीहरुका लागि अनिवार्य आवश्यक पर्ने क्षेत्रहरुमा पैदल मार्ग राख्नका लागि पनि ठेकेदार कम्पनीलाई सुझाव दिईएको नगरप्रमुख भट्टले बताए । उनले चालु आर्थिक वर्ष भित्रै ६ लेन सडकको गोदावरी नगरक्षेत्रमा तारजाली लाग्नुका साथै, वृक्षारोपण गर्ने तथा लाईट जडान गर्ने कार्य पनि सम्पन्न हुने उनले बताए ।
वृक्षारोपण गरेपश्चात त्यसको सुरक्षाको लागि ट्री गार्डको व्यवस्थापन गरेको बताउदै उनले त्यसले मात्रै पर्याप्त नहुने बताए । त्यसैले अहिले तारजाली लगाउन थालेका बताउदै उनले त्यसपश्चात वृक्षारोपण गरेर हराभरा बनाईने नगरप्रमुख भट्टले बताए । चालु आर्थिक वर्षको बजेटबाट नगरपालिकाले आफ्नो क्षेत्र भित्र रहेको ६ लेन सडकको डिभाइडरमा तारजाली लगाउन थालेको हो ।
अत्तरिया देखी धनगढीको सिमाना सम्म ५ किलोमिटर डिभाइडर क्षेत्रमा तार जाली लगाउनका लागि अत्तरियाकै सुयल कन्स्ट्रक्सन प्रा.लि. सँग ठेक्का सम्झौता गरिएको छ । नगरपालिकाले उक्त कार्यका लागि भ्याट सहित ८० लाख २३ हजार ४ सय ७४ रुपैयाँमा ठेक्का सम्झौता गरेको जानकारी गराएको छ ।
