माघ २५ धनगढी । कैलालिको गोदावरी नगरपालिका वडा नम्बर–२ मा रहेको तेघरी सामुदायिक वन उपभोक्ता समुहको वार्षिक साधारण सभा सम्पन्न भएको छ । शुक्रबार औपचारिक कार्यक्रमका बिच सामुदायिक वनको २५औ वार्षिक साधारण सभा सम्पन्न भएको हो ।
संस्थाकी अध्यक्ष कृष्णा महराको सभापतित्वमा सम्पन्न कार्यक्रमका प्रमुख अतिथी वन सम्पदा रास्ट्रीय महासंघका केन्द्रीय सचिव टिकादत्त जोशि रहेका थिए । कार्यक्रममा सामुदायिक वन उपभोक्ता समुहको आर्थिक वर्ष २०८०÷०८१ को आय व्यय विवरण प्रस्तुत गरिएको थियो ।
संस्थाका सचिव एल आर ओझाले उक्त आर्थिक वर्षमा वन उपभोक्ता समुहको १६ लाख बढिको आयव्यय विवरण प्रस्तुत गरेका थिए । उनका अनुसार वन उपभोक्ता समुहले उक्त आर्थिक वर्षमा १६ लाख ९६ हजार ७४ रुपैयाको आयव्यय विवरण सार्वजनिक गरेको हो ।
जसमा आम्दानी तर्फ काठ दाउरा चिरानबाटको आम्दानी, वन प्रवेश शुल्क वाफतको आम्दानी, जरिवाना वाफतको आम्दानी, खयर बिक्रि बाफतको आम्दानी लगायत समावेश गरिएको थियो ।
यस्तै खर्च तर्फ भने कर्मचारी तलब, गोलिया काठ लोडअनलोड, स्टेशनरी तथा छपाई, काठ चिरानको मिल खर्च लगायत राखिएको छ । कार्यक्रममा विभिन्न संघसंस्थाका प्रतिनिधी एवम् स्थानियहरुको सहभागिता रहेको थियो ।
