माघ ११ धनगढी । कैलालीको कैलारी गाउँपालीका वडा नम्बर ९ गदरिया स्थित जनता माध्यामीक विद्यालयको गेट भत्कीदा एक जना विद्यार्थीको र्मत्यु भएको छ भने एक जना गम्भिर घाईते भएका छन ।
विहीबार विहान साढे १० बजेको समयमा विद्यालयको गेट भत्किदा कक्षा २ मा अध्ययनरत ७ बर्षीय बालक प्रबेश रानाको मृत्यु भएको हो भने कक्षा २ मै अध्ययनरत ७ बर्षकै समीर चौधरी गम्भिर घाईते भएका हुन ।
गम्भिर घाईते समिरको धनगढी स्थित निसर्ग अस्पतालको आईसियुमा उपचार भई रहेको छ भने मृतक रानाको शव धनगढी स्थित शव गृहमा राखिएको छ । विद्यालयको कमजोरीका कारण विद्यार्थीको मृत्यु भएको स्थानीयले बताएका छन ।
टुटेको फलामको गेटलाई डोरीले बाधेर प्रयोगमा ल्याएको अबश्थामा विहार विहान गेट भत्किदा रानाको मृत्यु भएको स्थानीय प्रकाश रानाले जानकारी गराए । त्यसैगरी घाईते चौधरीको निसर्ग अस्पतालमा उपचार भई रहेको उनले जानकारी गराए ।
