माघ १० बझाङ । बझाङका सात वटा पालीकामा आफ्नै भवनबाट सेवा प्रबाह हुँदै आएको छ । १२ वटा स्थानीय तह मध्ये बझाङका सात वटा पालीकामा आफ्नै भवनबाट सेवा प्रबाह हुँदै आएको हो ।
तलकोट गाउँपालिका, बुंगल नगरपालिका, जयपृथ्वी नगरपालिका, थलारा गाउँपालिका, खप्तडछान्ना गाउँपालिका,छविसपाथिभेरा गाउँपालिका र विथ्थडचिर गाउँपालीका गरी ७ वटा गाउपालीकाले आफ्नै प्रशासकीय भवनबाट सेवा प्रवाह गर्दै आएका हुन ।
त्यसैगरी सुर्मा गाउँपालिका, साईपाल गाउँपालिका,मष्टा गाउँपालिका,दुर्गाथली गाउँपालिका र केदारस्युँ गाउँपालिका गरी ५ वटा गाउँपालीकाका भवनहरु निर्माणधिन र प्रकृयामा रहेको बताइएको छ । विथ्थडचिर गाउँपालिकाले बुधबार मात्रै प्रशासकीय भवनको उद्घाटन गरेर सेवा प्रबाह सुरु गरेको छ । विथ्थडचिर गाउँपालिकाका अध्यक्ष अम्मर सिहँ महरले औपचारीक कार्यक्रमका विच नव निर्मित प्रशासकीय भवनको उद्घाटन गरेका छन ।
नव निर्मित चार तले प्रशासकीय भवनको उद्घाटन पश्चात नागरीकलाई सेवा प्रवाह गर्न निकै सजिलो भएको कार्यक्रममा सहभागी नागीकहरुले बताएका छन् । २०७९ जेठमा ए.एम.किनारा जेभिले ५ करोड ६५ लाखमा ठेक्का पाएको प्रशासकिय भवनको समयमा निर्माण कार्य सम्पन्न नभएपछि समय थप गरेर भवन निर्माण कार्य सम्पन्न भएको हो ।
भवन अभावका कारण एउटै कोठामा ४ वटा शाखाहरु राखेर सेवा प्रवाह गर्नु परेको अबश्थामा भवन निर्माण भएपछी सेवा दिनका लागी सहज भएको प्रमुख प्रशासकीय अधिकृत पदमराज उपाध्यायले बताए ।
पहिला भवन नहुँदा सेवा लिन आएका नागरीकहरु पनि अलमलमा पर्ने गरेको बताउदै उनले नयाँ भवनबाट सेवा प्रभाह हुन थालेपछी सेवा ग्राहीहरुलाई सहज भएको बताए । पहिला भन्दा सेवाग्राहीहरुको काम पनि छिटो र छरीतो हुनेमा आफु विश्वश्त भएको प्रमुख प्रशासकीय उपाध्याले बताए । नव निर्मित प्रशासकीय भवनको उद्घाटन समारोहको अवसरमा पालिकाका सम्पूर्ण जनप्रतिनिधि, कर्मचारी मिलेर डेउडा समेत खेलेका थिए ।
कार्यक्रममा बोल्दै विथ्थडचिर गाउँपालिकाकी उपाध्यक्ष धनलक्ष्मि सिहँले पालिकाबाट दिईने सेवाहरु सहज रुपमा प्रवाह गरिने बताईन । उनले भवन निर्माणकार्य सम्पन्न भएपछि नयाँ भवनबाट सेवा प्रवाह गर्दा सहज भएको बताईन ।
जनप्रतिनिधी एक्लैले केही गर्न नसक्ने बताउदै उनले काम कति भएको छ ? भन्ने कुराको अवलोकन र मुल्याङ्कन आम नागरिक गर्नु पर्ने बताईन । गाउँपालिकाका अध्यक्ष अमर सिहँ महरले सेवा लिन आउँदा कुर्नै पनि सेवाग्राहीहरुले लाईनमा बस्न नपर्ने, अलमलिन नपर्ने बताए ।
पालिकाको विकासका लागी अहोरात्र खटीरहेको बताउदै उनले पालिकाको सिमित बजेटका कारण नागरीकले अपेक्षा गरे अनुसार काम गर्न नसकिएको बताए । माथिल्लो निकाय प्रदेश सरकार र संघिय सरकारलाई बजेटको माग गर्दै आएको र बजेट भनेजती प्रदेश र संघिय सरकारले विनियोजन नगर्ने भएका कारण सोचे जती विकास गर्न नसकेको उनले बताए ।
आम नागरीकका अति आवश्यक कामहरु पालिकाले गर्दै आएको बताउदै उनले सडक, खानेपानी, स्वास्थ्य, शिक्षा लगायत कार्यलाई प्राथमिकतामा राखेर काम गरी रहेको बताए । आफुलार्ई कुनै पनि दलको रुपमा नहेरी पालिकाको अभिभावक तथा अध्यक्षका रुपमा मात्रै बुझी दिन उनले आग्रह गरेका छन ।
भवन निर्माण गर्नका लागी सहयोग गर्नु हुने सम्पूर्ण मजदुर कर्मचारी र जनप्रतिनिधीलाई धन्यबाद ज्ञापन गर्द उनले काम गर्ने कर्मचारीको पक्षमा र जन्ताको पक्षमा काम गर्न नमान्ने कर्मचारीका विरुद्धमा उभिने उनले बताए ।
काठमान्डौ बस्ने गरेको गुनासो आउने गरेको बताउदै उनले आफु काठमान्डौ बसे पनि संघिय सरकारबाट राष्ट्रपती शैक्षिक सुधार कार्यक्रम मार्फत भवन, ८० करोडको विद्युत, झोलुङगेपुल , खानेपानी जस्ता योजनाका लागी बजेट विनियोजन गरेको बताए ।
