पौष २९ धनगढी । सरकारले सुदूरपश्चिम प्रदेशका ७ वटा जिल्लाका भूमि आयोगका अध्यक्ष नियुक्त गरेको छ । भूमि व्यवस्था, सहकारी तथा गरिबी निवारण मन्त्री बलराम अधिकारीले सुदूरपश्चिम प्रदेशका ७ वटा सहित देशभरका ५६ वटा जिल्लामा अध्यक्ष नियुक्त गरेका हुन ।
कैलालीको अध्यक्षमा यज्ञराज उपाध्याय, डडेल्धुरामा कैलाश कुमार पाण्डेय, बैतडीमा रमेश दत्त पाण्डेय, दार्चुलामा लाल सिंह धामी, अछाममा राम आउजी, डोटीमा डम्बर बहादुर ओली र बाजुरामा जनक बहादुर रोकायालाई नियुक्त गरिएको छ ।
सुदूरपश्चिम प्रदेशको बझाङ र कञ्चनपुर जिल्लाका अध्यक्षको नियुक्त गर्न बाँकी रहेको छ । गठबन्धनमा रहेका कांग्रेस र एमालेले भागबन्डा गरेर आयोगका जिल्ला अध्यक्ष र सदस्य नियुक्त गरेका हुन् । ७७ जिल्ला मध्ये सत्तारुढ नेकपा एमाले र नेपाली कांग्रेसले ३७–३७ जिल्ला र ३ जिल्लामा मधेस केन्द्रित दललाई भाग लगाइएको छ ।
सहमतिमा जिल्लाको नेतृत्व मिलाउने भनिए पनि एमाले र कांग्रेसले पाएकै केही जिल्लामा आन्तरिक विवादका कारण टुङ्गो लाग्न सकेको छैन । एमालेले पाएका मध्ये ३ र कांग्रेसले पाएका जिल्ला मध्ये ३ जिल्लामा विवाद रहेको छ ।