बाजुराको दुर्गम बस्तीका बासिन्दालाई सरकारी सेवालीन समस्या हुने गरेको छ । सरकारी सेवालीन सदरमुकाम मार्तडी जानु पर्ने हु“दा दुर्गम बस्तीका बासिन्दालाई समस्या हुने गरेको हो । उनीहरुले इलाका प्रशासन कार्यालय स्थापनाको माग गर्दै आएको पनि लामोसमय भई सकेको छ ।
बाजुराको हिमाली, जगन्नाथ, स्वामीकार्तिक, बुढीनन्दा लगायतका पालिकाका स्थानीयले बुढीनन्दा नगरपालिका वडा नम्बर–२ को कोल्टीमा इलाका प्रशासन कार्यालय स्थापनाको माग गर्दै आएका भए पनि स्थापना हुन नसक्दा उनीहरुले सास्ती झेल्नु परेको छ ।
कोल्टीमा इलाका प्रशासन कार्यालय स्थापनाका लागि स्थानीयले पटक पटक जिल्ला प्रशासन कार्यालय बाजुरामा माग गर्दै आएका भए पनि अझै स्थापना हुन सकेको छैन । नागरिकता, पासपोर्ट, राहदानी लगायतका विभिन्न सरकारी काम काजका लागि सदरमुकाम मार्तडी आवत जावत गर्नुपर्ने उनीहरुको बाध्यताको सम्बन्धीत निकायले अन्त्य गर्न जरुरी छ ।
गाडीको सुविधा भए पनि चार घण्टाको समय लगाएर सदरमुकाम मार्तडी पुग्न पर्ने उनीहरुको मागलाई गँिभर रुपमा लिन जरुरी छ । कोल्टीमा इलाका प्रशासन कार्यालय स्थापना भए पछि स्थानीयलाई नागरिकता बनाउन देखि अन्य सेवा लिन सहज हुने भएकाले सम्बन्धीत निकायले उनीहरुको मागलाई सम्बोधन गर्न जरुरी छ । स्थानीयको आर्थिक भार पनि कम हुने र सेवा लिन पनि सकस नहुने भएकाले कोल्टीमा ईलाका प्रशासन स्थापना गर्न जरुरी छ ।
नागरिकता तथा प्रतिलिपि निकाल्नु परेमा स्थानीयलाई अनिवार्य सदरमुकाम मार्तडीमा जानुपर्ने बाध्यताको अन्त्य गर्न जरुरी छ । सदरमुकाम मार्तडी गएर नागरिकता बनाउन नसक्ने गरिव तथा विपन्नको समस्यालाई सम्बन्धीत निकायले बुझ्न जरुरी छ ।
पैसा नभएकै कारण नागरिकता पाउनबाट वञ्चित भएका उनीहरुलाई सहज रुपमा नागरिकता बनाउन पाउने गरी ब्याबश्था मीलाउन जरुरी छ । सदरमुकाम मार्तडी देखि कोल्टी सम्मको दुरी झण्डै ४२ किलोमिटर भएकाले हिमाली, जगनाथ, स्वामीकार्तिक लगायतका स्थानीयलाई समस्या हुने गरेकाले दुर्गम बस्तीका लागी इलाका प्रशासनको स्थापना गरी उनीहरुको मागलाई सम्बोधन गर्न जरुरी छ ।