पौष २६ धनगढी । धनगढीमा अटो रिक्शामा सवार भएका बेला बेहोस भएका ४६ वर्षीय भुवन खत्रीको मृत्यु भएको छ । धनगढी उपमहानगरपालिका वडा नम्बर–४ मा डेरा गरी बस्ने खत्री बिहीबार शहीदगेट देखि चौराहा जाँदै गर्दा सुपप्र ०१००१ ह ४८८७ नम्बरको अटोमा बेहोस भएका थिए ।

खत्रीलाई तत्काल उपचारका लागि मायामेट्रो अस्पताल पु¥याइएको भिए पनि उपचारकै क्रममा उनको मृत्यु भएको जिल्ला प्रहरी कार्यालय कैलालीका प्रवक्ता डीएसपी कबिन्द्रसिंह बोहराले जानकारी गराए ।

प्रहरीले घटनाको अनुसन्धानका लागि अटो चालक नारायण थापा र अटोमा सवार अर्का व्यक्ति मन्जुरी खानलाई नियन्त्रणमा लिएको जानकारी गराएको छ । मृतकको शव परीक्षणका लागि सेती प्रादेशिक अस्पतालमा राखिएको बताईएको  छ ।