पौष २५ धनगढी । प्रहरीले लागूऔषध खैरो हेरोइन सहित पाँच जनालाई पक्राउ गरेको छ । धनगढीका विभिन्न ठाउँबाट उनीहरुलाई पक्राउ गरिएको हो । कञ्चनपुरको भीमदत्त नगरपालिका वडा नम्बर–१० का २६ वर्षीय तपेन्द्र पाली, वडा नम्बर ९ का २५ वर्षीय महेश ओड, वडा नम्बर १८ का २७ वर्षीय नवल बोहरालाई प्रहरीले पक्राउ गरेको हो ।
त्यसैगरी, प्रहरीले धनगढी उपमहानगरपालिका वडा नम्बर–९ बंगराकटानका २६ वर्षीय डम्बर ठगुन्ना र धनगढी उपमहानगरपालिका वडा नम्बर–१ शिवनगरका १९ वर्षीय सुरज थापालाई पनि पक्राउ गरेको छ ।
पक्राउ गरिएका उनीहरुको साथबाट दुई ग्राम ९० मिलिग्राम खैरो हेरोइन बरामद गरिएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कविन्द्रसिंह बोहराले जानकारी गराए । पक्राउ गरिएका पाँचै जनालाई हिरासतमा राखेर थप अनुसन्धान भइरहेको उनले जानकारी गराए ।
Post Views: 16