पौष २४ दार्चुला । जिल्ला कारागार दार्चुलामा क्षमता भन्दा बढी कैदीबन्दी राखिएका छन् । ‘घ’ श्रेणीको कारागारमा २५ जना पुरुष र १५ जना महिला राख्ने क्षमता रहेकोमा हाल ८५ जनालाई राखिएका छन ।
कैदीबन्दीले पाउनुपर्ने आधारभूत सुविधा उपलब्ध गराउन समस्या देखिएको कारागार प्रशासनले जनाएको छ । जिल्ला कारागारका जेलर केशवराज अवस्थीका अनुसार विसं २०४२ मा बनेको कारागारमा ५४ कैदी तथा ३१ थुनुवा रहेका छन् ।
जबर्जस्ती करणीको अभियोग लागेका एक जना विदेशी कारागारमा रहेको बताउदै उनले थुनुवाको सङ्ख्या बढ्दा व्यवस्थापन जटिल बनेको बताए ।
ढिलो मुद्दाको फैसलाका कारण थुनुवा बढेको बताउदै उनले जिल्ला बाहिरबाट समेत कैदीबन्दी ठाउँ सारी गरेर ल्याइएको बताए ।
Post Views: 15