पौष २१ धनगढी । कैलालीमा जंगली जनावर मार्न थापेको धरापमा युवक परेको घटनामा चार जनालाई पक्राउ गरिएको छ ।
गौरीगंगा नगरपालिका वडा नम्बर–१ को मौवारी सामुदायिक वनमा विद्युतीय तार विछायाएर थापिएको धरापमा परी घाइते भएका आदित्य चौधरीको घटनामा चार जनालाई पक्राउ गरिएको हो ।
गत भदौ २० गते घटेको उक्त घटनामा सोही ठाउँ बस्ने २० वर्षीय गौरीगंगा नगरपालिका वडा नम्बर–३ बस्ने ३५ वर्षीय धनीराम चौधरी, ४० वर्षीय शनिराम चौधरी, ३२ वर्षीय बाबुराम चौधरी र २६ वर्षीय बिनु चौधरीलाई पक्राउ गरिएको हो ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कबिन्द्र सिंह बोहराले उनीहरूलाखई पक्राउ गरी ज्यान मार्ने उद्योग शिर्षकमा मुद्दा दर्ता गरेर अनुसन्धान भइरहेको बोहराले बताए । धरापमा परेर घाइते भएका चौधरी भने उपचार पछि घर फर्कि सकेका छन् ।
Post Views: 15