पौष २० कञ्चनपुर । हात्तीले हटरा भत्काइ दिएपछि बिचल्लीमा परेका कञ्चनपुरको लालझाडी गाउँपालिका १ सुखड शिविरका सुकुम्बासीहरुले राहत पाउन सकेका छैनन । लालझाडी गाउँपालिका वडा नम्बर १ सुखड शिविरका सुकम्बासीहरुको पुस १ गते हात्तीले उनीहरु बस्दै आएको टहरा भत्काइ दिएको भए पनि उनीहरुले राहत पाउन नसकेका हुन ।
विगत लामो समय देखि सुखड शिविरमा बस्दै गरेका सुकम्बासीका टहरा हात्तीले भत्काउनुकासाथै खाने कुरा लुगा कपडा सबै नष्ट गरिदिए पछि उनीहरु बिचल्लीमा परेका छन् । २०६५ साल देखि शिविरमा बस्दै आएका उनीहरुले हात्तीले बनाएका सबै हटारा भत्काई दिएपछि उठीबास भएको बताएका छन ।
सुखड शिविरमा बस्दै आएका स्थानीय बजुरा रानाले चिसोको समयमा हात्ती आएर हटारा भत्काइ दिएपछि त्यसमा राखेको सबै अन्न लुगा कपडा सखाप भएको बताख्ए । राहतका लागि धेरै ठाउँमा पहल गर्दै आएको भए पनि स्थानीय सरकार बाहेक अन्य कुनै ठाउँबाट राहत नमिलेको रानाले बताए । हात्तीबाट पीडित भएका सुखड शिविरका स्थानीय राहतका लागि जिल्ला प्रशासन कार्यालय कञ्चनपुर,वन डिभिजन कार्यालय तथा अन्य सबै ठाउँमा राहतका लागि धाउँदै आएको उनले बताए ।
अहिले सम्म स्थानीय सरकारले दिएको खाद्यान त्रिपाल लुगाकपाडा बाहेक अरु कतैबाट केही नपाएको उनले गुनासो गरे । डिभिजन वन कार्यालय कञ्चनपुरका प्रमुख रामविचारी ठाकुरले लालपुर्जा भएको जमिनमा लगाएको घरमा क्षति गरेको भए राहत दिन सकिने बताउदै लामो समय देखि बनमा बस्दै गरेकाले हात्ती पीडित भए पनि राहत दिन निमिल्ने बताए ।
जिल्ला प्रशासन कार्यालय कञ्चनपुरका प्रमुख जिल्ला अधिकारी नारायाण प्रसाद सापकोटाले हात्ती पीडितहरु राहतका लागि आएको बताउदै डिभिजन बन कार्यालय पठाएको बताए । जिल्ला प्रशासन कार्यालय कञ्चनपुरका प्रमुख जिल्ला अधिकारी सापकोटाले वनमा बसोबास गर्ने भएकोले केही राहत दिन नमिल्ने भएकाले उनीहरुले राहात नपाए र आफुले पनि केही गर्न नसकेको बताए ।
