मंसिर २४ धनगढी । कैलाली र कञ्चनपुरमा १३ सय ७५ हेक्टर क्षेत्रफलमा हाल माछा उत्पादन गरिदै आएको छ । दुई जिल्लामा माछाको माग बढ्दै गए पछि १३ सय ७५ हेक्टर क्षेत्रफलमा माछा उत्पादन गरिदै आएको हो । वार्षिक १० हजार मेट्रिकटन माछा उत्पादन हुँदै आएको बताईएको छ । मत्स्य विकास केन्द्र, गेटाका प्रमुख निर्मलबहादुर खातीले आगामी १० वर्षमा उत्पादन बढाएर ३० हजार मेट्रिकटन पु¥याउने सरकारी लक्ष्य रहेको जानकारी गराए ।
कैलाली र कञ्चनपुरमा उत्पादित माछाले ६५ प्रतिशत माग धानेको बताउदै उनले माछा उत्पादन बढाउन र यसका लागि आवश्यक पूर्वाधार निर्माण गर्न प्रदेश सरकारले चालु आर्थिक वर्षका लागि ५ करोड बजेट विनियोजन गरेको जानकारी गराए । कैलाली र कञ्चनपुर जिल्ला प्राकृतिक तालको हिसाबले अग्रस्थानमा रहेको बताउदै उनले कैलालीमा १ सय ९४ र कञ्चनपुरमा ४८ गरी २ सय ४२ वटा प्राकृतिक ताल रहेको जानकारी गराए ।
तीमध्ये अधिकांश तालहरु उपयोगमा नभएको बताउदै उनले प्राकृतिक तालहरुमा व्यवसायीक रुपमा माछापालन गरेर आयआर्जन गर्न सकिने संभावना रहेको बताए । प्रमुख खातीले केही तालहरुमा किसानले व्यवसायीक रुपमा माछापालन गरेर आयआर्जन गर्दै आएको जानकारी गराउदै प्राकृतिक ताल तथा पोखरी स्थानीय तह र सामुदायिक वनले ठेक्कामा दिएर किसानले माछापालन गर्दै आएको जानकारी गराए ।
उनले कैलाली र कञ्चनपुरमा २ हजार ५ सय ४२ वटा ताल र पोखरीमा माछा पालन हुँदै आएको जानकारी गराए । यी दुई जिल्लामा माछा पालनको क्षेत्रफल एक हजार ३ सय ७५ हेक्टर रहेको बताउदै उनले ती ताल तथा पोखरीमा ५ हजार ३ सय ८० किसानले व्यावसायिक रुपमा माछा पालन गरिरहेको जानकारी गराए । कैलाली र कञ्चनपुरमा उत्पादित माछाले स्थानीय बजारको ६० देखि ६५ प्रतिशत माग धानेको जानकारी गराउदै उनले प्राकृतिक तालमा माछाको उत्पादकत्व २ दशमलव ३ मेट्रिकटन प्रतिहेक्टर रहेको जानकारी गराए ।
उनले माछा उत्पादन बढाउन विभिन्न पहल भइरहेको बताउदै आगामी १० वर्षमा माछा उत्पादन वार्षिक १० हजार मेट्रिकटनबाट बढाएर ३० हजार मेट्रिकटन पु¥याउने प्रदेश सरकारको लक्ष्य रहेको उनले जानकारी गराए । चालु आर्थिक वर्षका लागि प्रदेश सरकारले माछा पालन क्षेत्रका लागि ५ करोड बजेट विनियोजन गरेको उनले जानकारी गराए ।
कृषि तथा पशुपन्छी विकास मन्त्रालय अन्तर्गतको प्रधानमन्त्री कृषि आधुनिकीकरण परियोजनाले कैलालीमा माछा जोन कार्यक्रम समेत अगाडि बढाएको उनले जानकारी गराए । यस वर्ष धनगढी उपमहानगरपालिका, कैलारी गाउँपालिका, घोडाघोडी र भजनी नगरपालिकामा एक करोड बजेटको माछा जोन कार्यक्रम सञ्चालन गरिने उनले जानकारी गराए । मत्स्य विकास केन्द्र गेटाले पनि माछा उत्पादन बढाउने गरी काम गर्दै आएको उनले बताए ।
