मंसिर २४ बाजुरा । बाजुराका नौ वटै स्थानीय तहमा रहेका प्रत्येक गाउँबस्तीका ग्रामीण सडक कालोपत्रेको पखाईमा रहेका छन । कालोपत्रे कुन तहको सरकारले गर्ने टुङ्गो नलागेकाले ग्रामीण सडक कालोपत्रेको पखाईमा रहेका हुन । पछिल्लो समय स्थानीय सरकारले स्थानीयको माग अनुसार गाउँमा सडक पु¥याउने काम गरे पनि सडक स्तरोन्नति गर्ने काम हुन सकेको छैन ।
स्थानीयलाई यी सडकले दैनिक उपभोग्य सामग्री ढुवानी गर्नका लागि केही सहज बनाए पनि कालोपत्रे नहुँदा बर्खाको समय स्थानीयलाई आवत जावत गर्न सास्ती हुने गरेको छ । हिउँदका महिनामा भने केही सहज हुने गरेको छ । अधिकांश युवा काम गर्न भारतमा जाने र उनीहरूले पैसा कमाएर घर परिवारका लागि लुगाकपडा ल्याउने गरेका छन । पहिले गाउँमा सडक नहुँदा उनीहरुले भरिया मार्फत घरमा ल्याउने गरेको अबश्थामा अधिकांश गाउँबस्ती सडक सञ्जालको पहुँचमा आएसँगै अहिले उनीहरूले गाडीमा सामान राखेर घरमै ल्याउने गरेका छन ।
गाउँमा पुगेका कच्ची ग्रामीण सडकले स्थानीयले हिउँदमा केही सहज हुने गरेको भए पनि बर्खाको समय आवत जावत गर्न सास्ती खेप्नु परेको छ । बर्खाका बेला पानी परेका बेला सडक भत्किने गरेकाले समस्या हुने गरेको छ । स्थानीयलाई घरदेखि बजार र बजार देखि घरमा आवत जावत गर्नसमेत समस्या हुने गरेको बताईएको छ । पछिल्लो समय नौ वटै स्थानीय तहका सबै वडा ग्रामीण सडकको पहुँचमा भए पनि अहिले ती सडक कहिले कालोपत्रेको हुने होला भन्ने चर्चा गाउँघरमा हुन थालेको छ । सडक नहुँदा सामान पिठिउँमा बोकेर ल्याउनु पर्ने अबश्थामा अहिले गाउँमा सडक पुगे पछि ती सामान गाडीमा ल्याउने गरेको बताईएको छ ।
हिउँदको महिनामा गाउँमा पुगेका कच्ची सडकले केही सहज बनाए पनि कालोपत्रे नहुँदा बर्खाको समय गाडी पाउनु त के पैदल हिँड्न समेत समस्या हुने गरेको खप्तडछेडेदह गाउँपालीका वडा नम्बर–२ का रामपति रोकायाले बताए । उनले गाउँमा सडक पुगे पनि गाडी भने कहिले आउने कहिले नआउने गरेको बताए । कच्ची सडकमा ज्यानको जोखिम मोलेर गाडी चलाउनु पर्ने भएकाले गाडीहरु कहिले आउने कहिले नआउने गरेको उनले बताए ।
जिल्लाको पूर्वीउत्तर क्षेत्रमा पर्ने बुढीनन्दा, हिमाली, स्वामीकार्तिक, जगन्नाथ, बडीमालिका, गौमूल, बुढीगङ्गा, त्रिवेणी र खप्तडछेडेदह गाउँपालिकाका अधिकांश गाउँबस्ती पछिल्लो समय कच्ची सडकको पहुँचमा रहेका छन । यी सडकमा बर्खाको समयमा गाडी नगुडे पनि हिउँदका केही दिनमा भने छोटा दुरीका सवारीसाधन चल्ने गरेको उनले बताए । पुराना पुस्ताले पहिला खच्चड, भेडा र घोडाबाट गाउँमा दैनिक उपभोग्य सामग्री ढुवानी गर्दै आएको बताउदै उनले अहिलेका नयाँ पुस्ताले भने हिउँदको महिना केही दिन भए पनि ती सामग्री गाडीमै घरमा ल्याउने गरेको बताए ।
स्थानीय सरकारले पहिला गाउँबस्तीमा धमाधम कच्ची सडक निर्माण गर्ने गरे पनि अहिले सम्म भने ती सडकको स्तरोन्नति गर्ने काम नभएको उनले बताए । खप्तडछेडेदह गाउँपालिका वडा नम्बर–६ मा रहेको कच्ची सडकलाई यस वर्ष कालोपत्रे गरिने भएको छ भने अन्य वडामा पुगेका सडक कालोपत्रे गर्ने चरणमा रहेको खप्तडछेडेदह गाउँपालिकाले जनाएको छ । खप्तडछेडेदह गाउँपालिकाका उपाध्यक्ष बिसु नाथले गाउँमा कच्ची सडक पु¥याउने काम गरेको बताउदै अहिले ती गाउँमा पुगेका कच्ची सडकको स्तरोन्नति गर्ने योजना बनाएको जानकारी गराए ।
