मंसिर २४ बाजुरा । बाजुराको बुढीनन्दा नगरपालिका वडा नम्बर ९ मा रहेको सिद्धेश्वरी अनाथ विपन्न तथा जनजातीय आवासीय विद्यालयले आगो बालेर पठन–पाठन गर्न थालेको छ । गत आइतबार राती देखि यहाँ बाक्लो हिमपात सुरु भए पछि बालबालिकाहरुको पढाइमा असर नपर्ने गरी विद्यालयले बाहिर आगो बालेर बालबालिकाहरुलाई पठन–पाठन गर्न थालेको हो ।
हिमपातका कारण बालबालिकाहरुको पढाइ प्रभावित हुने भए पछि अहिले आगो बालेर पढाउने गरेको विद्यालयले जानकारी दिएको छ । बाहिर बाक्लो हिमपात परिरहेको छ तर यहाँका बालबालिकाहरु भने हातहातमा किताव समातेर राम्रोसँग पढिरहेका छन् । हिमपातका कारण चिसो भए पछि आगो बालेर किताब पढ्ने गरेको सिद्धेश्वरी अनाथ विपन्न तथा जनजातीय आवासीय विद्यालयमा कक्षा ५ मा अध्ययनरत छात्र उमेश रावतले जानकारी गराए ।
उनले हिउँदको महिना धेरै सिचो हुने गरेको जानकारी गराए । आईतवार राती बाक्लो हिमपात परेको बताउदै उनले अहिले पनि निरन्तर हिउँ परिरहेको जानकारी गराए । उनले सधै यसै विद्यालयमा बस्ने र खाने गरिरहेको जानकारी गराए । उनले हिउँ परेको बेला चिसोले पढाइमा असर पर्ने भएकोले अहिले आगो बालेर पढ्ने गरेको जानकारी गराए ।
उनले हिउँ परेपनि नपरे पनि सधै चिसो हुने गरेको बताए । लामो समय सम्म हिउँ रहयो भने बालबालिकाहरुको पढाइ छुट्ने उनले जानकारी गराए । उनीहरुको पढाइ नछुट्ने गरी आगो बालेर पढाउँने गरेको सिद्धेश्वरी अनाथ विपन्न तथा विद्यालयका प्रधानाध्यापक तुला बहादुर रावतले जानकारी
गराए ।
उनले प्रायः सबै भोटे जनजातीका बालबालिकाहरु पढ्ने गरेको जानकारी गराउदै भोटे समुदायको पेशा प्रायः भेडापालन गर्ने भएकाले उनीहरु कहिले औल कहिले लेकमा आउने जाने गरेको बताए । जसका कारण उनीहरुका बालबालिकाहरुको पनि पढाइ छुट्ने गरेको उनले जानकारी गराए । उनले बालबालिकाहरुको पढाइमा असर नपर्ने गरी केही वर्ष देखि उनीहरुलाई यतै राखेर पढाउने गरेको जानकारी गराए ।
उनले उच्च हिमाली भेगमा पर्ने भएकाले पनि विगतका केही वर्ष पहिला धेरै हिउँ परेको जानकारी गराए । त्यो हिउँ झण्डै एक हप्तासम्म पनि नबिलाएको उनले जानकारी गराए । त्यति बेला पनि विद्यालयमा आगो बालेर बालबालिकाहरुलाई पढाउने काम गरेको उनले जानकारी गराए ।
