कार्तिक २० धनगढी । कैलालीको गोदावरीमा करेन्ट लागेर एक जना महिलाको मृत्यु भएको छ । मंगलबार दिउँसो गोदावरी नगरपालिका वडा नम्बर २ वनखेत बस्ने ५५ वर्षीया धर्मादेवी मडैको करेन्ट लागेर मृत्यु भएको हो ।
उनलाई आफ्नै घरमा धारामा नुहाउने क्रममा विद्युतीय मोटरबाट करेन्ट लागेकोमा पदमा अस्पताल अत्तरियामा उपचारको क्रममा मृत्यु भएको इलाका प्रहरी कार्यालय मालाखेतीले जानकारी गराएको हो ।
