असोज ०३ धनगढी । कम अपाङ्गता भएका व्यक्तिलाई अगाडी बढाउन ुपर्ने सरोकारवालाहरुले जोड दिएका छन । बिहीवार कम प्रतिनिधीत्व अपाङ्गता भएका व्यक्तिहरुको सवालसंग सम्बन्धित एनएफडिएनसंग छलफल कार्याक्रमका सहभागीहरुले यस्तो जोड दिएका हुन । नेपाल अपाङ्ग महासंघ सुदूरपश्चिम प्रदेशका अध्यक्ष मानबहादुर साउँदले अपाङ् महासंघले अपाङ्गता भएका व्यक्तिका समस्याका बारेमा संम्बन्धीत सरोकारहरुसंग छलफल गर्ने बताए ।
उनले नेपालमा १२ प्रकारका अपाङ्गता भएका व्याक्ति रहेको बताउदै सुदूरपश्चिम प्रदेशमा करिव २२ हजार अपाङ्गता भएका व्यक्ति रहेको बताए । उनले स्थानीय, संघ र प्रदेशमा अपाङ्गता सम्बन्धि निती निर्माण गर्दा सबै प्रकारका अपाङ्ता भएका व्याक्तिहरुलाई सहभागी नगराउने गरेको बताए । उनले समाजमा मनोसामाजिक अपाङ्ता,अटिजम र बौद्धिक अपाङ्ता व्यक्तिहरु न्यून हुने गरेको बताए ।
उनले अहिले समाजमा मनोसामाजिक अपाङ्ता भएका व्यक्तिहरु चिन्न पनि गाह्रो हुने गरेको बताए । उनले कोशीष नेपालले धनगढीका १९ वटै वडामा संगठन निर्माण गरेर केही सहज भएको बताए । हिजोका दिन भन्दा अहिले खुलेर अउने गरेको उनले बताए । उनले नितीबारेमा जानकारी नहुदा सरोकारवालाहरुसंग बहस गर्न समस्या हुने गरेको बताए । अपाङ्गता सम्बन्धिनिती निर्माण भए पनि कार्यान्वयन हुन नसकेको उनले बताए ।
त्यसैगरी कोशिष नेपालका प्रतिधिनी रबि पौडेलले अपाङ्गता बारेमा अपाङ्ग महासंघ नेपाल र कोशिष नेपालको सुदूरपश्चिम प्रदेशको सवाल साझा हुनुपर्ने बताए । उनले जसको सवाल, उसको प्रतिनिधीहुनु पर्ने बताए । त्यसैगरी कोशिष नेपालका कार्यकारी निर्देशक मातृका प्रसाद देवकोटाले अपाङ्गता भएका व्यक्तिलाई दयामुखी भावनाले हेर्ने गरेको बताए । उनले अपाङ्ग महासंघले सबै प्रकारका अपाङ्गता भएका व्यक्तिलाई सहभागी गराएको बताए ।
उनले अटिजम भएका व्याक्तिलाई बिशेष प्रकारको तालिम प्रदान गरि उनिहरुलाई सरकारले उत्पादनमा लगाउनुुपर्ने बताउदै उत्पादनका कार्यमा लाग्न नसक्नेलाखई सुरक्षा भत्ताको व्यवस्था गर्नुपर्ने बताए । त्यसैगरी बहिराका प्रतिनिधि नरेश कपडेलले बहिरा भएका व्यक्तिहरुलाई घरमा संचारको अभाव हुने गरेको बताए । कोशीष नेपाल र फेल्मको सहयोगमा गरिएको कार्यक्रमको संञ्चालन बसन्ती शाहीले गरेकी थिइन ।
