असोज ०३ धनगढी । कैलालीबाट लागूऔषध सहित ६ जनालाई प्रहरीले पक्राउ गरेको छ । लम्कीचुहा नगरपालिका वडा नम्बर–३ चिसापानीबाट र लम्कीचुहा नगरपालिका वडा नम्बर–२ मोतिपुरबाट छ जनालाई प्हरीले पक्राउ गरेको हो ।
१९ वर्षीय पुरन साउँद सहित ६ जनालाई पक्राउ गरिएको जिल्ला प्रहरी कार्यालय कैलालीले जानकारी गराएको हो । पक्राउ गरिएका उनीहरुको साथबाट तरमाडोल लेखिएको दुई पत्तामा रहेको १९ क्याप्सुल र फेनारगन अभिल ५ लेखिएको दुई पत्तामा रहेको १९ ट्याब्लेट बरामद गरिएको प्रहरीले जानकारी गराएको हो ।
प्रहरीले उनीहरुले प्रयोग गरेको मोटरसाइकल र स्कुटरसमेत नियन्त्रणमा लिएको जानकारी गराएको छ ।
