असोज ०३ धनगढी । देउडा प्रतिष्ठान धनगढीका अध्यक्ष तथा वरिष्ठ कलाकार दलबहादुर बोगटीको मृत्यु भएको छ । भदौ ३१ गते राती दुर्घटनामा परेर घाइते भएका बोगटीको उपचारका क्रममा बिहीबार दिउँसो निधन भएको जिल्ला ट्राफिक प्रहरी कार्यालय कैलालीले जानकारी गराएको हो ।
राति साइकलमा हिँडिरहेका उनलाई धनगढी उपमहानगरपालिका वडा नम्बर– ६ जालीमा सुदूरपश्चिम प्रदेश ०१ ००१ ज १५२८ नम्बरको हाइसले ठक्कर दिएको थियो ।
टाउकोमा चोट लागेर गम्भीर घाइते भएका उनको धनगढी स्थित माया मेट्रो हस्पिटलमा उपचार भइरहेको थियो । बोगटीलाई ठक्कर दिने हाईस र चालक प्रहरी नियन्त्रणमा रहेका छन् ।
