असोज ०३ धनगढी । कैलालीको घोडाघोडी नगरपालिका वडा नम्बर–४ का २३ वर्षीय दीपक विकलाई २०८० माघ ७ गते पक्राउ गरिएको थियो । प्रहरीले उनलाई जबरजस्तीकरणी र हाड नाता करणीको आरोपमा पक्राउ परेको थियो । कैलाली जिल्ला अदालतले विकलाई २०८० फागुन ३ गते पुर्पक्षका लागि कारागार पठाएको थियो । उनी ६ महिना देखि जिल्ला कारागार कैलालीको थुनुवा कक्षमा रहेका थिए । जिल्ला कारागार कैलालीको शौचालयमा ढलेको अवस्थामा फेला परेका विकको २०८१ भदौ ३१ गते मृत्यु भएको थियो ।

शौचालयमा फेला परेका उनको सेती प्रादेशिक अस्पतालमा मृत्यु भएको हो । उनको शव सेती प्रादेशिक अस्पतालको शव गृहमा रहेको छ । मृत्युपछि उनकी प्रेमिका १४ वर्षीया किशोरीलाई प्रहरीले पक्राउ गरेको छ । जिल्ल प्रहरी कार्यालय कैलालीले पहराइ थर भएकी उनकी प्रेमिकालाई पक्राउ गरिएको हो । विककी प्रेमिका रहेकी किशोरी आफ्नै काकाकी छोरी भएको खुलेको छ । नातामा दाजु बहिनी पर्ने उनीहरुबिच प्रेम सम्बन्ध रहेको प्रहरीले बताएको छ । उनै किशोरीलाई जबरजस्तीकरणी र हाडनाता करणी गरेको मुद्धामा दीपकलाई पुर्पक्षका लागि कैलाली कारागार चलान गरिएको थियो । प्रेमीका सहितको नाममा तयार पारिएको सुसाईट नोट समेत फेला परेको छ ।

प्रहरीले अनुसन्धानका क्रममा विकको सलफास नामक विषादी सेवन गरेर मृत्यु भएको जनाएको छ । सलफास प्रेमिका मार्फत ै कारागार भित्र रहेका मृतकको हातमा पुगेको अनुसन्धानका क्रममा खुलेको प्रहरीले जानकारी गराएको छ । कारागारले उपलब्ध गराएको ३७ पृष्ठ लामो सुसाईट नोटमा विकले दुवै जनाले सँगै मर्ने बाचा गरे अनुसार मृत्युको बाटो रोजेको उल्लेख गरेका छन् । उनले नोटको सुरुमा लेखेका छन्, ‘कृपया सबैको सामु भन्दै छु । हामीलाईसँगै जिन्दगी जिउन त दिएनौ तर, मृत्यु पछि एकै चित्तामा जलाउनु । यो मेरो अन्तिम इच्छा हो । दाजु बहिनी बिचको प्रेम सम्बन्धबारे २०८० सालको फागुनमा मात्र परिवारले थाहा पाए थिए । त्यो बेला किशोरीको पेटमा तीन महिनाको गर्भ रहेको थियो ।

दाजु बहिनीको अनुचित सम्बन्धलाई लिएर उनीहरूको परिवारमा तनाव सिर्जना भयो । किशोरीका परिवारले २०८० फागुन ८ गते इलाका प्रहरी कार्यालय सुखडमा जबरजस्तीकरणी र हाडनाता शीर्षकमा दीपक विरुद्ध किटानी जाहेरी दिए । सोही मुद्धामा उनलाई प्रहरीले पक्राउ गरेको थियो । अदालतले उनलाई पुर्पक्षका लागि कारागार चलान गरेको थियो । किशोरीको गर्भ पतन गराइएको थियो । दीपक कारागार चलान भए पछि किशोरी श्रीमतीका रूपमा उनलाई भेट्न आइ रहन्थिन् । उनीहरूबिच टेलिफोनमा समेत संवाद हुने गरेको थियो ।

एकातिर किशोरीको पेटमा रहेको गर्भ पतन, अर्कोतिर दीपकको कारागार बसाई र आफूहरूका कारण पारिवारिक विग्रह सिर्जना भएको विषयमा दुवै जना चिन्तित थिए । पक्राउ गरिएकी किशोरीले प्रहरीलाई दिएको बयान अनुसार यी कुराले दुवै जना सँगसँगै मर्ने निष्कर्षमा पुगेका थिए । उनले नोटमा लखेका छन,२०८१÷०५÷३१ हो यो दिन । हाम्रो अन्तिम दिन हो, यो धर्तीमा । त्यसपछि कसैलाई केही पनि तनाव हुँदैन । भदौ २६ गते दीपक विकलाई भेट्न कैलाली कारागार पुगेकी प्रेमिका पहराईले सोही दिन सलपास उनलाई दिएको कुरा खुलेको छ ।

त्यो दिन उनी तीन वटा कपडा र एउटा अचारको प्लास्टिकको डब्बा लिएर कारागार भेट्न गएको कारागारले जनाएको छ । प्रहरीले चेकजाँच गर्दै आचार समेत उनलाई चखाएको कारागारले जानकारी गराएको छ । उनले आचारको प्लास्टिकको डब्बाभित्र पिधमा प्लास्टिकमै बाँधेर सलपास भित्र दिन सफल भएको कारागारका प्रमुख दिपक पाण्डेले बताए । सीसीटीभी फुटेजमा देखिए अनुसार प्रहरीले किशोरीलाई चेकजाँच गर्दै चम्चामा निकालेर अचार पनि चखाएको देर्खिएको उनले बताए । तैपनि उनी दीपकसम्म सलपास पु¥याउन सफल भइन् ।

किशोरीले पनि अचारको डब्बाभित्र राखेर सलपास प्रेमी दीपकलाई दिएको बयान प्रहरी समक्ष दिएको प्रहरीले जनाएको छ । दीपकलाई सलपास दिइसकेपछि आफूले पनि सेवन गर्नेगरि सलपास कागजमा बेरेर साथमै ल्याउन तयारी अवस्थामा राखेको र बिर्सेर घरमै छुटेका कारण सेवन गर्न नपाएको किशोरीले बयान दिएकी छन् । प्रेमिकाले दिएको सलफास दीपकले ३१ भदौको दिउँसो शौचालयमा गएर सेवन गरेको बताईएको छ ।

दीपकले मृत्यु अघि लेखेको ३७ पृष्ठको सुसाइड नोटमा दुवै जनाको प्रेम सम्बन्ध, पहराईको गर्भपतन देखि घर परिवारले इज्जत बाहेक केही नहेरेको भन्दै पीडा र आक्रोश व्यक्त गरेका छन् । आफू कारागार चलान भए पछि प्रेमिकाको ठूलो खुसी खोसिएको र तनावका कारण कुनै निर्णय लिन नसक्दा मृत्युसँग लडिरहेकी र अब दुवै जना कसैको जिन्दगीको बाधक नबन्ने भन्दै मृत्युको बाटो रोजेको सुसाईट नोटमा उल्लेख गरिएको छ ।

खबर संवाददाता
कमेन्ट लोड गर्नुस