असोज ०२ धनगढी । कैलालीको गेटामा स्कारपियो र मोटरसाइकल ठोक्किएर भएको दुर्घटनामा घाइते भएका सुनिल डंगौराको मृत्यु भएको छ ।
दुर्घटनामा घाइते भएका मोटरसाइकल चालक गोदावरी नगरपालिका वडा नम्बर–१ का सुनिल डंगौराको मृत्यु भएको प्रहरीले जानकारी गराएका हो ।
बुधबार गेटामा सुदूरपश्चिम प्रदेश ०१००१ च ४०४६ नम्बरको स्कारपियो र सुदूरपश्चिम प्रदेश०१ ०१२ प ५६३४ नम्बरको मोटरसाइकल एक आपसमा ठोक्किएर दुर्घटना भएको थियो ।
डंगौराको उपचारका क्रममा मृत्यु भएको छ भने मोटरसाइकल पछाडि सवार महेन्द्र चौधरीको माया मेट्रो अस्पताल धनगढीमा उपचार भइरहेको इलाका प्रहरी कार्यालय मालाखेतीले जानकारी गराएको छ ।
स्कारपियो चालक गोदावरी नगरपालस्ीका वडा नम्बर–६ का ३४ वर्षीय भोजलाल चौधरीलाई नियन्त्रणमा लिइएको ईलाका प्रहरी कार्यालय मालाखेती प्रहरीका डिएसपी गंगाबहादुर थापाले जानकारी गराए ।
