भदौ ३१ दार्चुला । दार्चुलाबाट प्रहरीले ८ जना जुवाडेलाई पक्राउ गरेको छ । गोबिन्द धानुकको घरबाट आइतबार ८ जना जुवाडेलाई प्रहरीले पक्राउ गरेको हो ।
उनिहरुलाई महाकाली नगरपालिका वडा नम्बर ४ खंलगा विद्यानगरका ५७ वर्षीय गोविन्द धानुकको घरबाट जुवा खेली रहेको अबश्थामा प्रहरीले पक्राउ गरेको हो ।
प्रदेश प्रहरी कार्यालय धनगढीका अनुसार उनीहरुलाई घरको माथिल्लो तल्लामा जुवातास खेलिरहेको अवस्थामा जिल्ला प्रहरी कार्यालय दार्चुलाबाट खटिएको प्रहरी टोलीले रंगेहात पक्राउ गरेको हो ।
उनीहरुको साथबाट ९३ हजार २ सय २० नगद र १ गड्डी तास समेत बरामद गरिएको प्रहरीले जानकारी गराएको छ । प्रहरीले पक्राउ गरेकाहरुकोे नाम भेन खुलाएको छैन ।
