भदौ ३१ धनगढी । कैलालीको धनगढीमा ‘जिपिएस’ जडान नगर बस सेवा सुरु भएको छ । आईतबार फुलवारी बसपार्कबाट उप प्रमुख कन्दकला रानाले हरियो झण्डा देखाउँदै बस सेवा औपचारिक रुपमा शुभारम्भ गरेकी हुन् । उपमहानगरपालिकाले ६ वटा बस खरिद गरी आइतबारबाट सेवा शुरु गरेको हो । धनगढीको फुलवारी, हसुलिया तथा धनगढी र अत्तरिया सम्म नगर बसले सेवा दिने गरी सुरु गरिएको हो ।
नगर बसले अन्य भन्दा सुलभ दरमा सेवा दिने भएपछि दैनिक ओहोर दोहोर गर्ने देखी बिद्यार्थीहरुलाई समेत निकै राहत पुग्ने भएको छ । धनगढी उपमहानगरपालिकाले गाउँ हुँदै सहरसम्म सञ्चालनका लागी दुई करोड ४८ लाखमा ६ वटा बस खरिद गरेको थियो । धनगढी उपमहानगरपालिका वडा नम्बर १९ फूलबारी बसपार्कबाट धनगढी सहिद गेट हुँदै अत्तरियासम्म नगर बस सेवा सञ्चालन गर्ने धनगढी उपमहानगरपालिकाका राजश्व साखा प्रमुख लेखनाथ ओझाले बताए ।
नगर बस सेवा सञ्चालनका लागी उपमहानगरपालिकाले टेन्डर प्रक्रिया मार्फत बार्षिक २८ लाख ८८ हजार ९ सय १९ रुपयाँमा के एन के कन्सट्रक्सनसगं सम्झौता गरेको उनले बताए । उपमहानगरपालिकाले ७ किलोमिटर सम्म न्युनतम २० रुपयाँ र त्यस माथी प्रति किलोमिटर २ रुपयाँ ८४ पैँसा भाडा दर कायम गरेको छ । बस आधा घण्टाको अन्तरमा फुलवारीबाट छुट्ने बताईएको छ ।
पहिलो चरणमा फूलबारी–धनगढी–सहिद गेट रुटमा नगर बस सेवा सफल भए उर्मा लगायतका ग्रामीण भेगमा समेत नगर बस सेवा विस्तार गरिने योजना भएको उनले बताए । ग्रामीण क्षेत्रबाट विद्यालय, कलेज, अस्पताल र बजार आउन सहज होस् र गाउँमा उत्पादित बस्तु बजार ल्याउन सहज होस् भनेर नगर बस सञ्लन गरिएको उप प्रमुख रानल बताईन ।
उपमहानगरपालिकाले खरिद गरेका ६ वटै नगर बसमा सिसिटिभी र जिपिएस जडान गरिएको उनले बताईन । यात्रु र तिनले बोक्ने सामानको सुरक्षाका लागि सिसिटिभी क्यामेरा जडान गरिएको छ । आएको घरबाटै थाहा पाउन र चढ्ने स्थानमा ठिक समयमा पुग्न सहज होस भनेर जिपिएस प्रणाली जडान गरिएको छ , उप प्रमुख रानाले भनिन । हसुलिया देखी फुलवारी क्षेत्रका नागरिकलाई नगर बस सेवाले सहज हुने अपेक्षा गरिएको उनले बताईन ।
बस नियमित सञ्चालन भएपछि सुलभ दरमा दैनिक ओहोर दा्होर गर्न पाइने स्थानियले बताएका छन । धनगढी उपमहानगरपालिका वडा नम्बर १९ का डेकमान पौडेलले नगर बस सञ्चालन भएपछि निकै खुशी लागेको बताए । फुलवारीबाटै नगर बस शुरु गरेकोमा धनगढी उपमहानगरलाई उनले धन्यवाद दिए ।
धनगढी उपमहानगरपालीका वडा नम्बर १९ का भक्त बहादुर थापाले बिद्यार्थी र बृद्धबृद्धाले आरामदायी यात्रा गर्न पाउने बताए । अटोको यात्रा महगों र धुलो धुवाँ समेत खानुपर्ने बताउदै उनले उपमहानगरपालिकाले नगर बस सेवा सुरु गरेको पछि सहज यात्रा गर्न सकिने बताए ।
