भदौ ३० धनगढी । जिल्ला प्रहरी कार्यालय कैलालीले लागु औषध खैरो हेरोईन सहित ४ जनालाई पक्राउ गरेको छ । आईतबार प्रहरी टोलीले धनगढी उप–महानगरपालिका वडा नंम्बर ०३ चटकपुरबाट २ ग्राम ६१ मिलिग्राम लागु औषध सहित ४ जनालाई पक्राउ गरेको हो ।
कैलालीको टिकापुर नगरपालिका वडा नम्बर ०९ बस्ने २४ बर्षको सुमित थारुलाई शंका लागि चेकजाँच गर्दा उनको साथबाट शुद्ध तौल १ ग्राम ३१ मिलिग्राम लागु औषध खैरो हेरोईन सहित पक्राउ गरेको हो ।
कैलालीको धनगढी उप–महानगरपालिका वडा नम्बर०३ मिलनचोक स्थित छिमेकी राष्ट्र भारतबाट नेपाल तर्फ आउदै गरेका कञ्चनपुरको कृष्णपुर नगरपालिका वडा नम्बर ०६ बस्ने ३२ बर्षको तेज भट्टराई, सोही ठाउँ बस्ने २७ बर्षको अमन बोहरा र बर्ष ३० को प्रमोद खड्कालाई शंका लागि चेकजाँच गर्दा तेज भटराईको साथबाट शुद्ध तौल १ ग्राम ३० मिलिग्राम लागु औषध खैरो हेरोईन सहित पक्राउ गरिएको जिल्ला प्रहरी कार्यालय कैलालीले जानकारी गराएको हो ।
जम्मा २ ग्राम ६१ मिलिग्राम लागु औषध खैरो हेरोईन फेला पारी बरामद गरी चारै जनालाई नियन्त्रणमा लिई आवश्यक कारवाहीको लागि हिरासत कक्षमा राखि थप अनुसन्धान भईरहेको जिल्ला प्रहरी कार्यालय कैलालीले जानकारी गराएको हो ।
