प्रदिप मलासी, भदौ २९ धनगढी । नेपाली काँग्रेस सुदूरपश्चिम प्रदेश कार्य समितिको आयोजनामा २ दिवशीय प्रशिक्षण कार्यक्रम आज सम्पन्न भएको छ । प्रदेश सभापति वीर बहादुर बलायरको सभापतित्व र नेपाली काँग्रेसका केन्द्रीय उपसभापति पूर्ण बहादुर खडकाको प्रमुख आथित्यतामा संञ्चालन भएको कार्यक्रममा ९ वटै जिल्लाका स्थानीय तहका निर्वाचित जनप्रतिनिधि पार्टीका विभिन्न तहमा रहेका नेता कार्यकर्ताहरुको उपस्थिति रहेको थियो ।
जननेता बिपि कोईरालाको जन्म जयन्तीको सुभअवसरमा सुदूुरपश्चिम प्रदेश कार्य समितिले प्रशिक्षण कार्यक्रम गरेको हो । समाजवादका प्रतिपादक बिपि कोईरालाले नेपाली समाज परिवर्तनका लागि खेलेको भूमिका अविस्मरणिय रहेको भन्दै नेपाली काँग्रेसले समाजवादलाई पूर्णरुपमा आत्मा साथ गर्नु पर्ने प्रमुख अथिति उपसभापति पूर्ण बहादुर खडकाले बताए ।
पार्टीका रिक्त पदहरुमा पार्टीले छिटै पद पुर्ति गर्ने केन्द्रीय कार्य समितिको निर्णय रहेकोले जिल्ला र प्रदेशमा रिक्त रहेका पदहरुको बारेमा केन्द्रीय समितिलाई जानकारी गराउन प्रमुख अथिति खडकाले निर्देशन दिएका छन ।
संघिय लोकतान्त्रिक गणतन्त्रको मर्म अनुसार नेपाली काँग्रेस अगाडि बढेकोले यसमा कुनै नेता कार्यकर्ताले संकुचित नहुन र संघिय व्यवस्था अनुसार पार्टीको बिधान संशोधन गरि समानुपातिक समाबेशी पदाधिकारी चयन गर्ने पहिलो पार्टी नेपाली काँग्रेस भएको कार्यक्रममा प्रमुख अथिति खडकाले बताए । नेपाली काँग्रेसले राजनितिक परिवर्तनका हरेक अवस्थाको नेतृत्व गरेकाले नेपाली काँग्रेस पूर्ण समाबेशी पार्टी रहेको र नेपाली काँग्रेस पार्टीको क्रियाशिल सदस्यले जातिय विभेद गरेको पाईएमा पार्टीको साधारण सदस्य समेत नरहने गरि हटाउने पार्टी बिधानमा उल्लेख रहेको उपसभापति पूर्ण बहादुर खडकाले बताए ।
नेपाली काँग्रेस प्रदेश कार्य समिति सदैव यस्ता धेरै कार्यक्रम गर्ने कुरामा कटिबद्व रहेकाले जिल्ला र प्रदेश समितिले समन्वय गरि अगाडि बढनु पर्ने देखिएको कार्यक्रमका सभापति सुदूरपश्चिम प्रदेश कार्य समिति सभापति वीर बहादुर बलायले बताए । नेपाली काँग्रेस पार्टी लोकतान्त्रिक पार्टी भएकाले सबै नेता कार्यकर्ताको व्यवहार नै लोकतान्त्रिक हुनु पर्ने भन्दै सभापति बलायरले बताए । निर्वाचनका समयमा पार्टीको आधिकारिक उम्मेद्वार हराउने कार्य गर्ने कुनै नेता कार्यकर्तालाई पार्टीले कार्वाही गर्न नछोड्ने सभापति बलायरले बताए ।
महा मानव बिशेश्वर प्रसाद कोईरालाले नेतृत्व गरेको पार्टी नेपाली काँग्रेस नेपाली जनताको मन मस्तिकमा बस्न सफल भएको पार्टी भएकाले जनताले काँग्रेसलाई माया गरि राखे सभापति बलायरले बताए । भदौ २८ र २९ गते दुई दिन संञ्चालनमा रहेको प्रदेश स्तरिय प्रशिक्षण कार्यक्रममा शनिवार ओम प्यालेस धनगढीमा सम्पन्न भएको हो । कार्यक्रममा नेपाली काँग्रेस प्रति आस्थावान नेता कार्यकर्ता विभिन्न भातृ संस्था प्रमुखहरुको उपस्थिति रहेको थियो ।
