भदौ २६ धनगढी । कैलालीको गोदावरी नगरपालिका वडा नम्बर ५ मा रहेको सरस्वती नमूना विद्यालयको २ कोठे पक्की भवनको शिलन्यास गरीएको छ । गोदावरी नगरपालिकाका प्रमुख विरेन्द्र भट्टले बुधबार भवनको शिलन्यास गरेका हुन । गोदावरी नगरपालिकाको बुढीतोला, फुलबस्ती, सिमका ग्रामीण क्षेत्रका विद्यालय जीर्ण रहेका ठाउँमा नयाँ भवन निर्माण गरिएकोमाअहिले विद्यालयको भवन शिलान्यास गरिएको हो ।
काठ, माटो र ढुङ्गाले बनेका भवनमा पठन पाठन गरिदै आएको र डेस्क, बेञ्चको अभावमा विद्यार्थी धुलोमै बसेर पढ्न बाध्य भएको अबश्थामा भवनको शिलान्षस गरिएको हो । पानी पर्दा चुहिने र हावाहुरी चल्दा छानो उडाइने समस्याबाट अधिकांश विद्यालय ग्रसित हुँदै आएको भए पनि स्थानीय सरकार गठनपश्चात् अहिले केही मात्रामा भौतिकमात्रै नभई शैक्षिक सुधार समेत हुँदै गएको बताईएको छ । विद्यालयको भौतिक संरचना सुधार भएसँगै गोदावरी नगरपालिकाले शैक्षिक गुणस्तरलाई अघि बढाउनतर्फ लागेको बताईएको छ ।
शैक्षिक गुणस्तर बढाउनका लागि गोदावरी नगरपालिकाले सामुदायिक विद्यालयको तह मिलान तथा समायोजन गरेको बताईएको छ । ५६ वटा सामुदायिक विद्यालय सञ्चालनमा रहेको गोदावरीमा २१ वटा माध्यमिक र ३ वटा धार्मिक विद्यालय सहित ३६ वटा आधारभूत तहका बिद्यालयहरु रहेको शिक्षा शाखा प्रमुख प्रयाग राज जोशीले जानकारी गराए । प्राबिधिक शिक्षा अन्तरगत दुर्गालक्ष्मी नमूना माबिमा कम्प्युटर शिक्षा पढाई भईरहेको जानकारी गराए । शिलान्यास पश्चात बोल्दै नगर प्रमुख बिरेन्द्र भट्टले एक वडा एक नमूना कार्यक्रम अन्तरगत भवन निर्माण सुरु भएको बताए ।
उनले विद्यालयमा विद्यार्थीको संख्या बढी भएको र भौतिक पूर्वाधार अभाव भएकाले एउटा २ कोठे प्रशासनिक भवन निर्माण गर्न लागिएको बताए । ‘बजार नजिकैको विद्यालय भएकाले विद्यार्थीको संख्या बढी भएकाले ‘विद्यालयमा भवन अभावको माग लिएर विद्यालय व्यवस्थापन समिति आएपछि सहयोग गरेको उनले बताए । विद्यालयको प्रशासकिय भवन नगरपालिकाले सहयोग गरेको बताउदै उनले एक वडा एक नमूना कार्यक्रम अनुरुप गोदावरी नगरपालिकाको २४ लाख रुपैयामा विद्यालयको २ कोठे पक्कि भवन निर्माण भैरहेको बताए ।
बाह्य सामग्रीहरूको लागि टेण्डर प्रक्रिया मार्फतकाम अगाडी बढाउने विद्यालय व्यवस्थापन समितिका अध्यक्ष दीर्घ राज भट्टले जानकारी गराए । कार्यक्रममा गोदावरी नगरपालिका प्रवक्ता तथा वडा नम्बर १ का अध्यक्ष गोपाल दत्त भट्ट, विद्यालय व्यवस्थापन समितिका अध्यक्ष दीर्घ राज भट्ट लगाएत अभिभावक, शिक्षक, बिद्यालय ब्यबस्थापन समितिका पदाधिकारीहरुको उपस्थिती रहेको थियो । विद्यालयमा १ हजार १ सय ६० जना विद्यार्थी अङ्ग्रेजी भाषा र ९ सय बढी नेपाली भाषाका विद्यार्थीहरु रहेको बताइएको छ ।
