भदौ २३ बाजुरा । बाजुराको पूर्विउत्तर क्षेत्रमा पर्ने कर्णाली पारीको अर्गानिक स्याउ बिक्रीका लागि बजारमा पठाउन थालिएको छ । बाटो अवरुद्ध भएका कारण केही दिन रोकिएको स्वामिकार्तिक खापर गाउँपालिकाको अर्गानिक स्याउ कर्णाली करिडोरको बाटो सञ्चालनमा आएपछि बिक्रीका बजारमा पठाउन थालिएको हो । स्वामिकार्तिकको जेवाले , सैडेओ खुनका , लोकी र जोरु लगायतका विभिन्न ठाउँमा किसानले उत्पादन गरेकोे स्याउ लीन ठेकेदारे बारीमै पुगेपछि कर्णाली करिडोरको बाटो हुँदै स्याउ कैलालीको लम्की, नेपालगञ्ज, काठमाण्डौ, लगायतका विभिन्न बजारमा बिक्रीका लागि पठाइएको स्याउ किसानले बताएका छन ।
कोल्टी–मार्तडी सडक सुचारु होला भनेर बारिमै राखिएको अर्गानिक स्याउँ सडक सुचारु नभएपछि ठेकेदारले कर्णाली केरिडोरको बाटो हुँदै विभिन्न बजारमा लिएको स्वामिकार्तिक खापर गाउँपालिकाका वडा नम्बर –१ जोरुका स्याउ किसान धनबहादुर रावलले बताए । उत्पादन गरिए पनि कतै बजार नपाउँने े अर्गानिक स्याउ पछिल्लो समय गाउँपालिकाको पहलमा देशका विभिन्न बजारमा बिक्रीका लागि जान थालेपछि सहज भएको उनले बताए । गाउँमै अर्गानिक स्याउ उत्पादन गरेपनि समयमै बजार नपाउँने भएकाले अधिकाशं किसानले स्याउ खेतीमा खासै चाँसो नदेखाएको बताउदै उनले अहिले स्याउ देशका सहर बजारमा माग हुन थालेपछि फेरी किसानले स्याउ खेती गर्न थालेको रावलले बताए ।
गत वर्ष बाजुरामा उप्तादन गरिएको स्याउ अछाम , डोटी , डडेलधुरा , कैलाली हुँदै काठमाण्डौमा बिक्रीका लागि पठाईएको उनले बताए । यस वर्ष मार्तडी–कोल्टी सडक लामो समय देखि अवरुद्ध बन्दै गएकोले स्याउँ कर्णाली करिडोरबाट कैलाली , नेपालगञ्ज र काठमाण्डौ लगिएको उनले जानकारी गराए । यस बर्ष स्वामिकार्तिक खापर गाउँपालिकामा झण्डै एक करोड भन्दा बढीको स्याउँ उत्पादन भएको स्वामिकार्तिक खापर गाउँपालिकाको कृषि विकास शाखाले जानकारी गराएको छ । स्थानीय , डेलिसिएस , रोयल , रेडडेलिसियस , गोल्डेन , गाला , फुजी लगायतको स्याउ उत्पादन हुने गरेको स्वामिकार्तिक खापर गाउँपालिका कृषि शाखा प्रमुख बिनोद शाहीले बताए ।
स्वामिकार्तिक खापर गाउँपालिका बाजुराको सबै भन्दाबढी स्याउँ उत्पादन हुने पालिका भएको बताउदै उनले पछिल्लो समयमा जेवाले , सैडेओ खुनका , लोकी र जोरु लगायतका विभिन्न ठाउँमा स्याउ राम्रो उत्पादन हुने गरेको बताए । कृषि शाखा प्रमुख शाहीले केही दिन पहिला दुइ ट्रक स्याउँ कैलालीको लम्की बजारमा पठाएको बताउदै अझै तीस ट्रक स्याउ जिल्ला भन्दा बाहिर लिएर बिक्री गर्ने तयारी भइरहेको बताए । बाजुराको हिमाली , जगनाथ , बुढीनन्दा , गौमुल र खप्तड छेडेदह लगायतका स्थानीय तहमा पछिल्लो समयमा स्याउ उत्पादन हुने गरेको बताउदै उनले सबै भन्दाबढी स्वामिकार्तिक खापर गाउँपालिकामा स्याउ उत्पादन हुने गरेको जानकारी गराए ।
स्याउँ उत्पादनका लागि राम्रो उपयुक्त माटो भएकाले अधिकाशं किसानलाई थप स्याउ खेतीमा लाग्न उत्प्रेरित गर्दै आएको स्वामिकार्तिक खापर गाउँपालिका अध्यक्ष भरत रोकायाले बताए । स्वामिकार्तिक खापर गाउँपालिकाका विभिन्न गाँउमा उत्पादन गरिएको स्याउ ट्याक्टर मार्फत पिलुचौर सम्म ढुवानी गरिएको बताउदै उनले ट्रक मार्फत स्याउ सुर्खेत, नेपालगञ्ज, धनगढी लगायतका सहरमा निर्यात भइरहेको बताए । हाल सम्म स्वामिकार्तिक खापर गाउँपालिकाबाट झण्डै १४ ट्रक स्याउ निर्यात भईसकेको जानकारी गराउदै उनले आगामी आर्थिक बर्षमा गाँउपालिकालाई स्याउ गाँउपालिका भनि चिनाउने गरि किसानलाई स्याउ खेतीमा लाग्न उत्प्रेरित गर्ने योजना बनाएको अध्यक्ष रोकायाले बताए ।
