भदौ २४ अछाम । अछामको चौरपाटी गाउँपालिकामा मदीरा खोल्न ब्याबसायीले दबाब दिएका छन । न्यून गुणस्तर भएका मदिरा खोल्ने नखोल्नेबारे गरिएको छलफलमा मदीरा खोल्न ब्याबसायीले दबाब दिएका हुन । गाउँपालिकाले बोलाएको सर्वदलीय बैठकमा आइतबार प्रतिबन्ध लगाइएको न्यून गुणस्तर भएका मदिराबारे छलफल गरिएको हो ।
सर्वदलीय बैठकमा सहभागीहरुको मिश्रित धारणा आएको बताइएको छ । अधिकांश सहभागीहरुले मदिरा खोल्न पर्ने धारणा राखेका थिए भने केहीले मदिरा बिक्रि वितरणमा थप कडाइ गर्नु पर्ने धारणा राखेको सहभागीहरुले बताएका छन् ।
सर्वदलीय बैठकमा विभिन्न राजनीतिक दलका प्रतिनिधि, समाजसेवी, मदिरा व्यापारी लगायत सरोकारवाला निकायहरुको सहभागीता रहेको बताइएको छ ।
राजनितिक दलका प्रतिनिधिले न्यून गुणस्तर भएका मदिरा खोल्नु पर्ने धारणा राखे पनि हस्ताक्षर गर्न भने नमानेको बताईएको छ । गाउँपालिका भित्रका मदिरा व्यवसायीले मदिरा खोल्नु पर्ने चर्को दबाब दिइरहेको बताईएको छ । सर्वदलीय बैठकमा कांग्रेस र नेकपा एमालले मदिरा नखोल्ने अडान लिएका छन् भने नेकपा माओवादीले पुरै खोल्नु पर्ने नभए बन्द गर्नुपर्ने धारणा राखेको बताइएको छ । नेकपा एकीकृत समाजवादीले पनि दोधारे धारणा राखेको बताइएको छ ।
