भदौ २० धनगढी । जिल्ला प्रहरी कार्यालय, कैलालीमा प्रवेश गर्ने सेवाग्राहीले मोबाइल लैजान प्रतिबन्ध लगाईएको छ । जिल्ला प्रहरी कार्यालय, कैलालीमा पहिलो पटक मोबाईल फोन लैजान प्रतिबन्ध लगाईएको हो । प्रवेशद्वारमा सेवाग्राहीले मोबाइल छोड्ेर जानु पर्ने नयाँ नियम बनाइएको छ ।
जिल्ला प्रहरी कार्यालय कैलालीको प्रमुखमा प्रहरी उपरीक्षक पदमबहादुर विष्ट आएपछि सेवाग्राहीलाई मोबाईल लैजान प्रतिबन्ध लगाईएको हो । सेवा ग्राही मात्र नभई पत्रकारहरुले समेत मोबाईल लैजान प्रतिबन्ध लगाईए पछि सेवाग्राही तथा धनगढीका पत्रकारहरूले उक्त विषय प्रति असन्तुष्टि जनाएका भए पनि जिल्ला प्रहरी कार्यालय, कैलालीको प्रवेशद्वारमा मोबाइल राख्नुपर्ने बाध्यताको अन्त्य भएको छैन् ।
नेपाल पत्रकार महासङ्घ, कैलालीका अध्यक्ष हिमालय जोशीले जिल्ला प्रहरी प्रमुख, प्रहरी उपरीक्षक पदमबहादुर विष्टलाई भेटेर उक्त गुनासो राखेको बताए । उनले पत्रकार साथीहरूले पनि जिल्ला प्रहरीको गेटमा मोबाइल छोड्नु पर्ने रहेछ भनेर कुरा राखेको बताए । प्रहरीमा दिनुपर्ने प्रमाणहरू समेत फोनमा हुने भएकाले गेटमा मोबाइल छोड्नुपर्ने नियम हटाउनु पर्ने पर्ने माग राख्दा हटाउछु भन्ने जवाफ दिएको अध्यक्ष जोशीले बताए ।
जिल्ला प्रहरी कार्यालय, कैलालीका प्रमुख प्रहरी उपरीक्षक विष्टले महिला, बालबालीका तथा जेष्ठ नागरिक शाखाबाट तस्विर तथा भिडिओहरू बाहिरीएकाले कार्यालयमा सेवाग्राहीलाई फोनमा प्रतिबन्ध गरिएको बताएको समेत उनले जानकारी गराए । नेपाल प्रहरीका सह–प्रवक्ता एसएसपी विश्व अधिकारीले सुरक्षाका दृष्टिकोणले संवेदनशील लागेपछि कार्यालय प्रवेश गर्दा सेवाग्राहीबाट प्रहरीले फोन माग्ने गरेको बताए ।
उनले सुरक्षासँगका विषयहरू संवेदनशील हुने बताउदै कतिपयले भित्रको फोटोहरू खिच्ने, बाहिर प्रकाशित गर्ने गरेकाले सुरक्षाको दृष्टिकोणले फोन राख्ने गरेको बताए । हेटक्वाटर भित्र फोन लैजान बन्द गरिएको बताउदै उनले जिल्लामा धेरै कडाइ नगर्नु पर्ने बताए ।
