भदौ २० धनगढी । कैलालीमा प्रहरीले एक जना बालकलाई अलपत्र अवस्थामा भेटाएको छ । बिहीबार दिउँसो लम्कीचुहा नगरपालिका वडा नम्बर–६ स्थित स्याउले चोकमा अन्दाजी तीन वर्षको जस्तो देखिने बालकलाई हराएर हिँडिरहेको अवस्थामा प्रहरीले भेटाएको हो ।
इलाका प्रहरी कार्यालय लम्कीका अनुसार उनले आफ्नो नाम सागर बताइरहेका छन् । उनलाई इलाका प्रहरी कार्यालय लम्कीमा राखिएकाले बालकलाई चिन्ने जो कोहीले कार्यालयको सम्पर्क नम्बर ०९१–५४०१९९ र ९८५८४९०३०३ मा सम्पर्क गरी सहयोग गरिदिन प्रहरीले अनुरोध गरेको छ ।
