भदौ २० बैतडी । जवजस्तीकरणीको आरोपमा एक जना स्वास्थ्यकार्यालयका कर्मचारीलाई प्रहरीले पक्राउ गरेको छ । बैतडीको सिगास गाउँपालिका वडा नम्बर २ बस्ने ४१ वर्षीय स्वास्थ्यकर्मी जनकसिह धामीलाई जबरजस्तीकरणीको आरोपमा प्रहरीले पक्राउ गरेको हो ।
बुधबार ३१ बर्षीय एक जना महिलाले धामीले आफु माथि जवजस्तीकरणी गरेको जाहेरीका आधारमा उनलाइ बुधबार साँझ पक्राउ गरेको जिल्ला प्रहरी कार्यालय बैतडीका प्रहरी नायब उपरीक्षक दिपक गिरीले जानकारी गराएका हुन । उनले सिगास गाउँपालिका अन्र्तगत रहेर स्वास्थ्य संस्थामा काम गर्ने धामीलाई पक्राउ गरिएको जानकारी गराए । धामीलाई इलाका प्रहरी कार्यालय पाटनमा राखेर अनुसन्धान भइरहेको उनले जानकारी गराए ।
महिलाले केही दिन पहिले पनि स्वास्थ्यकर्मी धामीले आफुमाथि हातपात गरेको भन्दै गाजरी प्रहरीमा निवेदन दिएको बताईएको छ । स्थानीय र जनप्रतिनिधीहरुले उक्त बिषय मिलाएको बताइएको छ । धामीले विभिन्न प्रलोभनमा पारि पटक–पटक जबरजस्तीकरणी गरेको पीडित युवतीको आरोप छ ।
पीडित युवती अविवाहित र स्वास्थ्यकर्मी समेत रहेको बुझिएको छ । पक्राउ गरिएका धामी विवाहित भएको बुझिएको छ । पीडितले दिएको जाहेरीका आधारमा धामीलाई पक्राउ गरी इलाका प्रहरी कार्यालय, पाटनको हिरासतमा राखिएको र घटनाबारे थप अनुसन्धान भइरहेको प्रहरीले जनाएको छ ।
