किसानहरुले भोग्दै आएका समस्याहरुलाई मध्यनजर गर्दै कैलालीको घोडाघोडी नगरपालीका वडा नम्बर १० पहलमानपुरमा निर्माण गरिएको शीतभण्डार बन्द हुने अबश्थामा पुगेको छ । शित भण्डार बन्द भए किसानहरुले अझै समस्या भोग्नु पर्ने भएकाले यसको संरक्षण गर्न जरुरी छ । विसं २०७७ साल फागुन देखि सुदूरपश्चिम मोहन्याल कृषी तथा पशुपालन व्यवसाय प्रालिले सञ्चालनमा ल्याएको शीतभण्डारले क्षमता अनुसारको कृषी उपज पाउन सकेको छैन भने आर्थिक अभावका कारण बन्द हुने अबश्थामा रहेको छ ।
यसलाई सञ्चालनमा समस्या आएकाले प्रदेश सरकारले दुईपटक बजेट विनीयोजीत गर्दा पनि कानुनी जटील्ताका कारण उपयोग गर्न नपाएको अबश्था छ । त्यसैले कानुनी जटील्ता हटाएर भए पनि अर्थात सरकारी स्वामीत्वमा लिएर भए पनि एक मात्र शित भण्डारलाई बचाउन जरुरी छ । तीन हजार मेट्रिक टन क्षमता भएको प्रदेशकै सबैभन्दा ठुलो शीतभण्डारलाई कसरी चलाउन सकिन्छ सम्बन्धीत निकायले सोच्न जरुरी छ । तीनवटा च्याम्बर मध्ये एउटा च्याम्वरमा मात्र भण्डारण गरिएको छ भने बाँकी दुई वटा खाली अवस्थामा रहेका छन् ।
सुरुको वर्षदेखि हालसम्म किसानका उत्पादनहरु भण्डारण गरिदै आएका पनि छन । शीतभण्डारको क्षमता अनुसार उत्पादित बस्तु भण्डारण नहुँदा खर्च धान्न धौँधौँ भइरहेकाले र ५ करोड भन्दा बढि ऋण भएकाले समस्या भएको छ । शीतभण्डारमा क्षमता अनुसार भण्डारण गर्न नपाउँदा बैंकको किस्ता तिर्न समस्या भएको छ । किसानहरूकै पैसाबाट चलिरहेको कोल्डस्टोरलाई दुर्गामी रुपमा सञ्चालन गर्न किसानहरुकै साथ सहयोग आवश्यक भए पनि सरकारले पनि यसको स्वामीत्व लिन जरुरी छ ।
कैलाली, कञ्चनपुर, डडेल्धुरा लगायतका जिल्लाबाट फलफुल, तरकारी शीतभण्डारमा भण्डारण हुने गरेकाले सरकारले स्वामीत्व लिन जरुरी छ । किसानले गरेका उत्पान सुरक्षित शीतभण्डारमा राख्न पाउने सुविधालाई ध्यानमा राखी प्रदेश सरकारले जिम्मेवारी लिन जरुरी छ । प्रदेश सरकार र स्थानीय सरकारले शित भण्डारका लागी बजेटको ब्याबश्था गर्न जरुरी छ । एक मात्र शित भण्डारलाई बन्द हुन नदिन सबै सरोकारवालाहरु जिम्मेवारीका साथ लाग्न जरुरी छ । शित भण्डारलाई बन्द हुन नदिन अर्थको ब्याबश्था गर्न जरुरी छ ।
