भदौ १६ धनगढी । समिट एयरले भोलीदेखी बझाङ र अछामको साँफेबगरमा नियमित उडान भर्ने भएको छ । समिट एयरले धनगढी बिमानस्थलबाट बझाङ र साँफे बगरमा नियमित उडान भर्ने भएको हो । समिट एयरले प्रत्येक हप्ताको सोमबार र बिहिबार नेपालगन्ज देखी धनगढी र धनगढी देखी बझाङ र साँफेबगरउडान भर्ने समय तालिका राखिएको छ ।
नेपालजञ्जबाट हुम्ला–सिमिकोट उडान गरेर विहान करिब ९ बजेट धनगढी आउने र धनगढी–बझाङ–धनगढी र धनगढी–साँफेबगर र नेपालगन्ज उडान भर्ने तालिका बनाइएको छ । यो सोमबार उडाउन भर्ने कार्यतालिका हो । अर्को उडान बिहिबार सिमिकोटबाट धनगढी–बझाङ र त्यहाँबाट नेपालगन्ज हुने तालिका रहेको छ ।
समिट एयरले सुदूरपश्चिमका पहाडी जिल्लाहरुमा नियमित उडान गर्ने योजना बनाए पनि मौसम लगायतका बिभिन्न कारण उडान कार्य अवरुद्ध बन्न पुगेको थियो । २०३५ सालदेखी पूर्ण रुपमा बन्द रहेका बझाङ लगायतका बिमानस्थल पछिल्लो समय पर्यटन तथा नागरिक उड्डयन मन्त्रालयले धावनमार्ग कालोपत्र गरेपछि नियमित उडान सुरु भएको थियो ।
यसअघि धनगढीलाई बेस बनाएर सुदूरपश्चिमका पहाडी जिल्लामा हवाई सेवा सञ्चालन गर्न परीक्षण उडान गरिएको थियो । समिट एयरले धनगढीबाट डोटी, बझाङ र बैतडीमा परीक्षण उडान गरेको थियो ।
