भदौ १४ बाजुरा । नेपाल रेडक्रस सोसाइटी बाजुराले पहिरो पीडित परिवारलाई राहत वितरण गरेको छ ।
बाजुराको हिमाली गाउँपालिका गाई खर्कमा पहिरोमा परी घाइते भएका तीन जनाको परिवारलाई रेडक्रसले राहत वितरण गरेको हो ।
हिमाली गाउँपालिका वडा नम्बर ३ बौडी, गाई खर्कमा गत साउन २६ गते पहिरोमा परी घाइते भएका परिवारलाई राहत वितरण गरिएको रेडक्रस बाजुराले जानकारी दिएको छ ।
तुलधन बुढा, मानबहादुर रोकाया र हंसबहादुर रोकाया गरी तीन परिवारलाई रेडक्रसले राहत वितरण गरेको हो । त्रिपाल, भाँडाकुडा, कम्मल र लगाउने धोती साडी सहितका सामाग्री उपलब्ध गराएको रेडक्रस बाजुराले जानकारी दिएको हो ।
