भदौ १४ धनगढी । कैलालीको गोदावरी नगरपालिका वडा नम्बर–४ स्थित गोदावरी धाममा नवनिर्मित संस्कार शालाको उद्घाटन गरिएको छ ।
शुक्रबार गोदावरी नगपालिकाका नगरप्रमुख बिरेन्द्र भट्टले नवनिर्मित संस्कार शाला भवनको उद्घाटन गरेका हुन् । अन्तिम संस्कार सम्पन्न गर्न सहज होस् भन्ने उद्देश्यले संस्कारशालाको निर्माण गरिएको नगरप्रमुख भट्टले बताए ।
हत्तिनाथ निर्माण सेवाले २८ लाख ५० हजारमा गत फागुनमा भवनको ठेक्का लिएको उनले जानकारी गराए । गोदावरीधाम विकास समितिका अध्यक्ष पदमराज जोशीले अब संस्कारशाला बनेपछि बाहिरबाट आउनेलाई विविध संस्कार गर्न सहज हुने बताए ।
