भदौ १४ बझाङ । बझाङमा भिरबाट लडेर एक जना महिलाको मृत्यु भएको छ। बझाङ जिल्लाको जयपृथ्वी नगरपालिका वडा नम्बर–३ की ४० वर्षीया खुडकी ऐरीको भिरबाट लडेर मृत्यु भएको हो।
आज शुक्रबार घाँस काटने क्रममा भिरबाट लडेर ऐरीको मृत्यु भएको जिल्ला प्रहरी कार्यालय बझाङले जनाएको छ। जिल्ला प्रहरी कार्यालय बझाङबाट प्रहरी टोली खटिएर शवलाई पोष्टमार्टमका लागि जिल्ला अस्पताल लगिएको बताईएको छ।
घटना सम्बन्धमा अनुसन्धान भइरहेको जिल्ला प्रहरी कार्यालय बझाङले जानकारी गराएको छ।
