भदौ १४ बैतडी । बैतडीमा एक जना किशोरीको अकालमै निधन भएको छ। बैतडी जिल्लाको मेलौली नगरपालिका वडा नम्बर–९ असुर कल्मटाका गजीदत्त भट्टकी १७ वर्षीया छोरी प्रमिला भट्टको अकालमै निधन भएको हो। विहीबार राति साँझको समयमा एक्कासी पेट दुखे भट्टको घरमै निधन भएको हो।
स्थानीय विशालपुर माध्यमिक विद्यालयमा कक्षा ७ मा अध्ययनरत प्रमिलाको निधनले विद्यालय परिवार शोकमा डुबेको छ। प्रमिलाको निधनमा विद्यालयले आइतवार शोकविदा दिने भएको छ। प्रमिलाको निधन भएपछि गौरा सेलाउने काम समेत नभएको वडा नम्बर ९ का वडा सचिव हिमालसिंह भाटले जानकारी गराए ।
