भदौ १३ धनगढी । नेपाल रेडक्रस सोसाइटी कैलाली शाखाले जलवायु प्रकृतिमा सामाधान तथा उत्थानशील जीविकोपार्जन कार्यक्रम अन्र्तगत कैलालीको गोदावरी नगरपालिका वडा नम्बरं ८ का विपन्न बर्गलाई आर्थिक सहयोग गरेको छ । बिहीबार नेपाल रेडक्रस सोसाइटी कैलाली शाखाले गरिबीको रेखा मुनि रहेका दलित, जनजाति लगायत आर्थिक स्थीती कमजोर भएका २० जना सदस्यहरुलाई आर्थिक सहयोग गरेको हो ।
नेपाल रेडक्रस सोसाइटीका प्रतिनिधि नरेन्द्र भट्टले व्यवसायिक कृषि उत्पादन तथा अन्य क्रियाकलाप गरी जीवनस्तर उकास्नका लागि नेपाल रेडक्रस सोसाइटीले २० जना सदस्यहरुलाई नगद सहयोग गरेको जानकारी गराएका हुन । नेपाल रेडक्रस सोसाइटीले जीविकोपार्जन कार्यक्रम मार्फत स्थानीयलाई प्रति व्यक्ति ३० हजारका दरले बैङ्किङ प्रणाली मार्फत नगद सहयोग गरिएको उनले जानकारी गराए ।
व्यवसायिक क्रियाकलाप गर्दै गर्दा किस्ता सिस्टमबाट सुरुवाती समयमा ६० प्रतिशत र दोस्रो किस्ताको रूपमा ४० प्रतिशत दिइँदै गरेको रेडक्रस सोसाइटीका प्रतिनिधि नरेन्द्र भट्टले जानकारी गराए । धनगढी उमहानगरपालिकाको वडा नम्बरं १७ र १९ गोदावरी नगरपालीकाको वडा नम्बरे २ र ८ त्यसैगरी चुरे गाउँ पालिकाको माथिल्लो क्षेत्रमा नेपाल रेडक्रस सोसाइटीको कार्यक्रम लागु भएको भट्टले जानकारी गराए ।
व्यवसायिक सुधार योजनाका लागि स्थानियको माग र संस्थाले गर्न सकिने क्रियाकलाप अनुसार छलफलबाट काम अगाडी बढाउने उनले जानकारी गराए । कार्यक्रममा बोल्दै गोदावरी नगरपालिकाका नगर प्रमुख बिरेन्द्र भट्टले यस क्षेत्रमा बस्दै आएका न्युन स्तरका किसान नगरबासिहरुले पाएको सहयोग रकमबाट व्यवसायिक रुपमा केही लाभ लिन सहयोग पुग्ने बताएका छन् ।
यस ठाउँबाट उत्पादन गरेका तरकारी तथा फलफुललाई बजारीकरण गर्न पालिकाले सहयोग गर्ने समेत नगर प्रमुख भट्टले बताएका छन् । नेपाल रेडक्रस सोसाइटीका प्रतिनिधि वासुदेव बिनाडीको सभापतित्वमा सम्पन्न भएको आर्थिक सहयोग हस्तान्तरण कार्यक्रममा वडा अध्यक्ष गोविन्द चौधरी, कार्यपालिका सदस्य चन्द्रा भूल, रेडक्रस सोसाइटीका अन्य प्रतिनिधि लगायत स्थानियको उपस्थिति रहेको थियो ।
