भदौ १३ धनगढी । परराष्ट्रमन्त्री आरजु राणा देउवाले स्थिर सरकारका लागि नेपाली कांग्रेस र नेकपा एमालेको गठबन्धन बनेको बताएकी छन् । विहीबार प्रेस युनियनले धनगढीमा आयोजना गरेको पत्रकार सम्मेलनमा बोल्दै उनले यस्तो बताएकी हुन् । सरकार अस्थिर हुँदा विकासले गति लिन नसकेको बताउदै उनले जनताको समृद्धिको चाहाना पूरा हुन कांग्रेस र नेकपा एमालेको गठबन्धन बनेको बताईन ।
धेरै युवाहरु विदेश पलायन भएको बताउदै उनले सबै कुरालाई मध्यनजर गर्दै विकासको लक्ष्यमा पुग्नका लागी स्थिर सरकारआवश्यक भएकाले कांग्रेस र नेकपा एमालेको गठबन्धन बनेको बताईन । सरकारले सुशासन कायम गर्न गम्भीर भएर दुईटा ठूला दल मीलेर सरकार बनाएको बताउदै उनले सरकार २०८४ सम्मै जाने बताईन ।
मन्त्री देउबाले अहिलेको सरकारको एउटा उद्देश्य संविधान संशोधन भएको बताउदै उनले संविधानको मूलभूत सिद्धान्त भने परिवर्तन नहुने बताईन । प्रधानमन्त्री केपी शर्मा ओलीले महिलालाई प्रधानमन्त्री बनाउन चाहन्छु भनेको र धेरैले तपाईं बन्नुहुन्छ भनेर अनुमान गरेका छन् नी ? भनेर पत्रकारले सोधेको जिज्ञासाको उत्तर दिदै उनले अनुसानमा चल्ने पार्टी भएकाले पार्टीभित्र धेरै जना प्रधानमन्त्री बन्न योग्य नेताहरु भएको बताईन ।
बाहिर जेजस्तो भए पनि पार्टीभित्र आफ्नो हैसियतबारे जानकारी भएको बताउदै प्रधानमन्त्रीले आफ्नै पार्टीका महिलालाई प्रधानमन्त्री बनाउने कुरा गर्नुभएको हुन सक्ने बताईन । परराष्ट्रमन्त्री बनेको छोटो समयमै नेपाललाई सबै देशले सहयोग गर्न चाहेको मन्त्री राणाले बताईन ।
