भदौै १३ बझाङ । घरसंगै पहिरोले बगाएर सेती नदीमा पु¥याएका बबझाङको छबिसपाथिभेरा गाउँपालिका वडा नम्बर–१ परिङ्गाल मालुझाडका करन गिरीको उद्धार गरिएको छ । बुधबार राती १२ बजेको समयमा खसेको पहिरोले घरसंगै बगाएका गीरीको सेती नदीबाट उद्धार गरिएको हो । जस्ताले छाएको घरसँगै सेती नदीमा खेसेका गीरीले सुतेकै अबश्थामा सेती नदीमा पुगेपछि आफू र टिनले छाएको घर खसेको थाहा पाएको बताए ।
सेती नदीको पानीमा डुबेको अबश्थामा एक हातले ढुङ्गामा समाउँदै उत्रिन सफल भएपछि उनले गुहार माग्न थालेको बताए । उनको गुहार भन्ने आवाज पारिपट्टी मालुमेलाबासी दिपेन्द्र खड्का, जया गिरी, हरिलाल भट्टराई, अर्जुन गिरीको कानमा परेपछि उनीहरु ब्युझिएर बाहिर निस्के ेपछि करनको सकुशल उद्धार गरिएको हो । नजिकै रहेको मालुमेला प्रहरी चौकी र स्थानीय सबै मिलेर उनको सकुशल उद्धार गरिएको हो ।
३६ वर्षीय करनको शरीरभरी चोट लागेकाले उनको अवस्था गम्भिर भएको बताइएको छ । उनलाई उपचारका लागि जिल्ला अस्पताल सिमखेत लगिएको बताईएको छ । संयोगबस करनको श्रीमती धना गिरी र उनका चार छोराछोरी बाहिर भएकाले उनीहरुलाई केही नभएको बताईएको छ । उनकी श्रीमती धनाले आफु महिनावारी भएकाले तीन जना केटाकेटी सहित आफ्नो गाउँको पुरानो घरमा सुत्न गएको बताइन ।
श्रीमान सेतीमा खसेपछि गाउँलेले खबर गर्दा मात्रै घटनास्थल पुगेको उनले जानकारी गराईन । म महिनावारी नभएको भए हामी सबैको एकै चिहान हुने रहेछ उनले भनिन । एक छोरा इन्डिया भएको बताउदै उनले तीन जना केटाकेटी र आफु पुरानो घरमा सुत्न गएकाले भाग्यले बचाएको बताईन । टहरासँगै खाद्यान्न, लुगाकपडा, नगद ९ हजार र बालबालिकाका स्कुलका प्रमाणपत्र सबै बगेको उनले बताईन ।
भूकम्पले चर्काएको भए पनि बलियो चट्टान भन्दै बसिरहेका परिङ्गाल र मालुमेला बासी यो पहिरो पछि त्रसित भ्एका छन । करनका दाइ लक्ष्मीराज गिरीले बाउबाजेले यो ठाउँ बलियो भन्दै बस्दै आएको बताए । आजसम्म केही नभएको बताउदै उनले एक्कासि घटेको घटनाले चसक्क बनाएको बताए ।
अब गाउँ बग्न बेर नभएको बताउदै उनले पहिरो जान्छ भन्ने संकेत त्यहाँ परेका दराले देखाइरहेको बताए । बुधबार राति पहिरो गए पछि घटनास्थलमा मालुमेला प्रहरी चौकीले थप अनुसन्धान गरिरहेको बताइएको छ ।
