साउन २२ बाजुरा । कृषी ज्ञान केन्द्रले बाजुराका कृषकहरुलाई ४ करोड ९० लाख २३ हजार रकम अनुदान दिएको छ । आर्थिक बर्ष २०८०।०८१ मा कृषि ज्ञान केन्द्र बाजुराले कृषकहरुलाई विभिन्न ३४ वटा कार्यक्रम शीर्षक मार्फत कृषि कार्यका लागि ४ करोड ९० लाख २३ हजार रकम अनुदान दिएको हो ।
कृषि ज्ञान केन्द्र बाजुराका निमित्त प्रमुख भूमिराज उपाध्यायले कृषि ज्ञान केन्द्रले एक बर्षमा दिएको अनुदानबाट १२ हजार २ सय बढी कृषकहरु लाभान्वित भएको जानकारी गराए ।
हरेक बर्ष बाजुरामा ४ करोड देखी ६ करोड सम्म कृषि अनुदानमा खर्च हुने गरेको जानकारी गराउदै उनले उदेश्य अनुसारको क्रमिक रुपमा उपलब्धी भए पनि केही ब्यक्तीहरुले सित्तैमा अनुदान लिने परिपाटीले उदेश्य अनुसार उपलब्धी हुन नसकेको जानकारी गराए । मुख्य प्राथमिकतामा राखिएकोे फलफुल खेतीको उपलब्धी नदेखीएको समेत उनले जानकारी गराए ।
बाजुरामा अत्याधिक मात्रामा उत्पादन हुने स्याउ बाहेक अन्य फलफुल भने बाजुरामा नफस्टाएको उनले जानकारी गराए । बाजुरामा एकै जना व्बयापारीले बार्षिक २० देखी २५ लाख बराबरको फलफुल मात्रै ल्याउने गरेको पाईएको उनले जानकारी गराए । बाजुरामा सिजनमा स्याउ बाहेक अन्य फलफुलहरु सबै बाहिरबाटै ल्याउने गरेको ब्यापारीहरुले बताएका छन ।
स्याउ पनि भदौ, असोज सम्म मात्रै उपलब्ध हुने भएकोले अन्य समयमा बाहिरबाटै स्याउ लगायतका फलफुल ल्याउनुपर्ने बाध्यता रहेको बताईएको छ । बाजुरामा स्याउका लागि शितभण्डार मात्रै भईदिएको भए स्याउका लागि बाहिरको ल्याउन नपर्ने ब्यापारी धनमल रोकायाले बताए । बर्षे सिजनको तरकारीमा भने बाजुरा आत्मनिर्भर भएको बताईएको छ ।
आयुस्मा किराना तथा तरकारी पसलकी मिथिला सिहंले बर्षाका समयमा जिल्ला भित्रैको तरकारीहरु बिक्री वितरण हुने गरेको बताइन् । गाउँमा प्रसस्त तरकारी उत्पादन हुने भएकाले बर्षाको समयमा तरकारी बाहीरबाट आयात गर्न आवश्यक नरहेको उनले बताईन ।
हिउदको समयमा बाहिरबाट तरकारी आयात हुने गरेको सिहंले बताईन । बाजुराका नौ वटै स्थानीय तहका कृषकहरुका सहकारी, कृषि समूह तथा फर्महरुलाई कृषि उत्पादनमा वृद्धि गरेर आत्मनिर्भर बनाउने उदेश्य सहित अनुदान दिइएको कृषि ज्ञान केन्द्र बाजुराका निमित्त प्रमुख उपाध्यायले बताए ।
कृषकहरुलाई विभिन्न शिर्षक मार्फत जिल्लामा फलफूल खेतिलाई मुख्य प्राथमिकतामा राखेर अनुदान दिइएको निमित्त प्रमुख उपाध्यायले बताए । त्यस्तै कृषि ज्ञान केन्द्रले दिएको अनुदानबाट जिल्लाका विभिन्न पालिकाहरुमा २ सय ५६ हेक्टर क्षेत्रफलमा फलफूल खेति गरिएको उनले जानकारी गराए ।
त्यसैगरी २० वटा कृषक समूहलाई दिइएको अनुदानबाट ५ सय ५० हेक्टर क्षेत्रफलमा आलु खेति गरिएको उनले जानकारी गराए ।
